ඔබ අද්භූත සහ භීෂණය පිරුණු චිත්‍රපට වලට කැමති කෙනෙක් නම්, Hellraiser: Inferno කියන්නේ අනිවාර්යයෙන්ම බලන්න ඕන එකක්. මේකේ කතාව ගෙතෙන්නේ ජෝසප් කියලා දක්ෂ හැබැයි ටිකක් දූෂිත පොලිස් පරීක්ෂකයෙක් වටා. එක දවසක් එයාට අමුතුම විදිහේ මිනීමැරුමක් ගැන පරීක්ෂණයක් කරන්න ලැබෙනවා. ඒ මිනීමැරුම වුණ තැන තිබිලා එයාට හම්බවෙනවා පුංචි අද්භූත පෙට්ටියක්. අන්න එතනින් තමයි ජෝසප්ගේ මුළු ජීවිතයම උඩුයටිකුරු වෙන්නේ.

මේ පෙට්ටිය නිකන්ම නිකන් සෙල්ලම් බඩුවක් නෙවෙයි. ඒකෙන් “සෙනොබයිට්ස්” (Cenobites) කියලා හඳුන්වන නිරයේ අමනුෂ්‍ය කොටසකට අපේ ලෝකයට එන්න පාර හැදෙනවා. ජෝසප් මේ පරීක්ෂණය දිගටම කරගෙන යනකොට එයාට තේරෙනවා එයා ලුහුබඳින මිනීමරුවා “ද ඉංජිනියර්” (The Engineer) කියලා කෙනෙක් බව. හැබැයි මේ පස්සෙන් යනකොට ජෝසප් දකින දේවල් හීනයක්ද සැබෑවක්ද කියලා එයාටම හිතාගන්න බැරි වෙනවා. ලේ, මස් සහ මානසික වධහිංසා පිරුණු ලෝකයක ජෝසප් හිරවෙන හැටි බලන්න නම් මේක බලන්නම වෙනවා.

අධ්‍යක්ෂණය (Director): Scott Derrickson
ප්‍රධාන නළු නිළියන් (Cast): Craig Sheffer, Nicholas Turturro, James Remar, Doug Bradley