Splinter කියන්නේ බොහොම සීමිත පිරිසක් සහ සීමිත වටපිටාවක සිද්ධ වෙන, හැබැයි මුළු ඇඟම වෙවුලලා යන විදිහේ භයානක චිත්‍රපටයක්. පෙම්වතුන් යුවළක් සහ ඔවුන්ව පැහැරගන්නා අපරාධකරුවන් දෙදෙනෙක් වටා තමයි කතාව ගෙතෙන්නේ. මේ හතර දෙනා අහම්බෙන් එකම වාහනයක ගමන් කරද්දී, පාලුවට ගිය ඉන්ධන පිරවුම්හලක නතර වෙන්න සිද්ධ වෙනවා. හැබැයි ඔවුන් දැනගෙන හිටියේ නැහැ එතන ඔවුන් එනකම් මරණය බලාගෙන ඉන්නවා කියලා.

එතන ඉන්නේ නිකන්ම නිකන් සතෙක් නෙවෙයි, ශරීරයට ඇතුළු වෙලා සෛල පාලනය කරන අමුතුම විදිහේ පරපෝෂිතයෙක්. මේ සතා ඇඟට ඇතුළු වුණාම මිනිස් සිරුර විකෘති වෙලා යනවා. ඉන්ධන පිරවුම්හල ඇතුළේ හිරවෙලා ඉන්න මේ පිරිසට එළියට යන්න බැහැ, මොකද එළියේ අර අද්භූත සත්වයා ඉන්නවා. පොඩි වැරදීමක් වුණොත් මුළු ජීවිතයම ඉවරයි. බේරෙන්න ක්‍රමයක් නැති තැනක, මේ හතර දෙනා කොහොමද තමන්ගේ බුද්ධිය පාවිච්චි කරලා පණ බේරගන්නේ කියලා බලන්න ඕන නම් අනිවාර්යයෙන්ම Splinter බලන්න.

අධ්‍යක්ෂණය (Director): Toby Wilkins
ප්‍රධාන නළු නිළියන් (Cast): Shea Whigham, Paulo Costanzo, Jill Wagner