Director: Joe Carnahan
Cast: Liam Neeson, Frank Grillo, Dermot Mulroney

ඔන්න යාළුවනේ, ඇඟ හිරිවැටෙන ෆිල්ම් එකක් බලන්න ලෑස්ති වෙන්න. Liam Neeson ඉන්නවා කියන්නේ ඉතින් ෆිල්ම් එක ගැන අමුතුවෙන් කියන්න ඕනේ නෑනේ. The Grey කියන්නේ Survival Thriller වර්ගයේ පට්ටම ෆිල්ම් එකක්. කතාව පටන් ගන්නේ ඇලස්කාවේ තෙල් පිරිපහදුවක වැඩ කරන පිරිසක් ගෙදර යන්න ප්ලේන් එකකට නගින තැනින්. අවාසනාවට වගේ මේ ප්ලේන් එක දරුණු හිම කුණාටුවකට අහු වෙලා කැලයක් මැදට කඩාගෙන වැටෙනවා. ගොඩක් අය එතනම මැරෙනවා. ඉතුරු වෙන්නේ අතලොස්සක් විතරයි.

හැබැයි නියම ප්‍රශ්නේ පටන් ගන්නේ ප්ලේන් එක වැටුනට පස්සේ. මේ අය වැටෙන්නේ කවුරුත් නැති, අධික සීතල තියෙන හිම කතරකට. සීතලෙන් බේරෙන එකම ලොකු ගේමක්. ඊටත් වඩා ලොකුම අනතුර තමයි මේ ප්‍රදේශය අයිති දරුණු වෘක රැලකට (Wolves). මේ වෘකයෝ නිකන්ම සත්තු නෙවෙයි, එයාලා හරිම බුද්ධිමත් සහ දරුණුයි. මේ වෘකයන්ගේ ග්‍රහණයෙන් බේරිලා, ආපහු ශිෂ්ඨාචාරයට යන්න මේ පිරිස කරන සටන තමයි ෆිල්ම් එක පුරාවටම තියෙන්නේ. Liam Neeson තමයි මේ කණ්ඩායමේ නායකත්වය අරගෙන හැමෝම බේරගන්න දඟලන්නේ.

මේ ෆිල්ම් එක බලද්දී අපිටත් ඒ සීතල, ඒ බය දැනෙනවා වගේ. වෘකයෝ රෑට ඇවිල්ලා අඳුරේ ඇස් දිලිසෙන හැටි දැක්කම ඇඟේ මයිල් කෙලින් වෙනවා. මේක නිකන්ම සත්තු එක්ක ගහගන්න ෆිල්ම් එකක් නෙවෙයි, මේක මිනිහෙක්ගේ ජීවත් වෙන්න තියෙන ආසාව සහ ධෛර්යය ගැන කියවෙන කතාවක්. කණ්ඩායමේ එක එක්කෙනා වෘකයන්ට ගොදුරු වෙද්දී, අන්තිමට කවුද ඉතුරු වෙන්නේ? Liam Neeson ට මේ මාරයා එක්ක සටන් කරලා දිනන්න පුළුවන් වෙයිද? අන්තිම තත්පරේ වෙනකම්ම කුතුහලයෙන් බලන්න පුළුවන් සුපිරිම ෆිල්ම් එකක්.