ස්ටීවන් සීගල්ගේ ක්‍රියාදාම චිත්‍රපටවලට කැමති අයට Kill Switch (2008) කියන්නේ හොඳ තේරීමක්. මෙහි ප්‍රධාන චරිතය වන Jacob King කියන්නේ ඉතාමත් දක්ෂ හැබැයි ඒ වගේම දරුණු විදියට අපරාධකාරයන්ට දඬුවම් දෙන පොලිස් පරීක්ෂකයෙක්. ඔහුගේ අතීතයේ සිද්ධ වුණ කණගාටුදායක සිදුවීමක් නිසා ඔහු අපරාධකාරයන් පස්සේ පන්නන්නේ පුදුම වෛරයකින්.

මේ අතරතුර නගරයේ අභිරහස් ඝාතන රැල්ලක් සිද්ධ වෙනවා. එක් පැත්තකින් ඉතාමත් දරුණු ‘Serial Killer’ කෙනෙක්, අනිත් පැත්තෙන් නීතියටත් වඩා තමන්ගේ අතින් දඬුවම් දෙන්න උත්සාහ කරන ජේකොබ්. ජේකොබ් මේ අපරාධකාරයාව අල්ලන්න දාන සෙල්ලම් සහ ඔහු පාවිච්චි කරන ක්‍රම හරිම බිහිසුණුයි. පොලිස් දෙපාර්තමේන්තුව පවා ජේකොබ්ගේ වැඩ ගැන සතුටු වෙන්නේ නැහැ. මේ සටන කෙළවර වෙන්නේ කොහොමද කියලා දැනගන්න නම් මේ ‘Action’ පිරුණු චිත්‍රපටය අනිවාර්යයෙන් බලන්න ඕන.

Cast: Steven Seagal, Isaac Hayes, Holly Dignard, and Michael Filipowich.
Director: Jeff King.