ඔබ භීෂණය සහ අද්භූත දේවල්වලට කැමති කෙනෙක් නම්, මේ චිත්‍රපටය අනිවාර්යයෙන්ම බලන්න. යාළුවෝ පිරිසක් නිවාඩුවක් ගත කරන්න දූපතකට යනවා. එහේ තියෙන පරණ නිවසක තිබිලා ඔවුන්ට අමුතු විදිහක පුවරු ක්‍රීඩාවක් (Board Game) හම්බවෙනවා. මේක සාමාන්‍ය ක්‍රීඩාවක් නෙවෙයි. ක්‍රීඩාව පටන් ගත්තා විතරයි, ඔවුන්ගේ හිතේ තියෙන ගැඹුරුම බය, ඊර්ෂ්‍යාව සහ සැකය මතු වෙන්න පටන් ගන්නවා.

ක්‍රමයෙන් මේ පිරිස එකිනෙකාට එරෙහි වෙන්න පටන් ගන්නවා. අද්භූත බලවේගයක් ඔවුන්ව පාලනය කරනවා වගෙයි දැනෙන්නේ. කවුද මේ ක්‍රීඩාව නිර්මාණය කළේ? මේකෙන් ජයග්‍රහණය කරලා පණ පිටින් බේරෙන්න පුළුවන් වෙන්නේ කාටද? “Echo’s Pond” කියන නම පිටුපස තියෙන රහස මොකක්ද? මේ චිත්‍රපටය නරඹනකොට ඔබට තේරෙයි මිනිස් හිතක තියෙන අඳුරු පැත්ත කොයි තරම් භයානකද කියලා. මේක හුදෙක් හොල්මන් කතාවක් නෙවෙයි, මානසික මට්ටමකින් ඔබව බය කරන නිර්මාණයක්.

Director: Gabriel Casseus
Cast: Robert Patrick, Danielle Harris, James Duval, Mircea Monroe