ඉතිහාස කතා සහ වීරත්වය ගැන කියවෙන චිත්‍රපට බලන්න කැමති අයට Manikarnika කියන්නේ අනිවාර්යයෙන්ම නැරඹිය යුතු සිනමා නිර්මාණයක්. මේ චිත්‍රපටයෙන් කියවෙන්නේ ඉන්දියාවේ නිදහස් අරගලයේ පුරෝගාමියෙක් වුණු ජාන්සි රැජිනගේ (Rani Lakshmibai) සැබෑ කතාවයි. ඇය කුඩා කාලයේ ඉඳලම අනිත් ගැහැණු ළමයින්ට වඩා වෙනස්. ඇය සටන් කලාවට සහ අසිපත් හසුරවන්න හරිම දක්ෂයි.

මනිකර්ණිකා විවාහ වෙලා ජාන්සි රාජධානියට එන්නේ බලාපොරොත්තු ගොඩක් එක්ක. හැබැයි ඒ කාලේ ඉන්දියාවේ වැඩි බලයක් තිබුණේ බ්‍රිතාන්‍ය පෙරදිග ඉන්දියා සමාගමටයි. ඔවුන් උත්සාහ කරන්නේ ජාන්සි රාජධානිය තමන්ගේ යටතට ගන්න. තමන්ගේ සැමියාගේ මරණයෙන් පස්සේ මනිකර්ණිකාට සිද්ධ වෙනවා රාජධානිය වෙනුවෙන් පෙරමුණ ගන්න. ඇය තීරණය කරනවා තමන්ගේ මව්බිම බ්‍රිතාන්‍යයන්ට පාවා දෙන්නේ නැහැ කියලා.

“අපිට නිදහස ඕනේ” කියන එක විතරක් නෙවෙයි, “ජාන්සි පාවා දෙන්නේ නැහැ” කියන පණිවිඩය මුළු ඉන්දියාවටම දෙන්න ඇය සමත් වෙනවා. චිත්‍රපටයේ තියෙන යුද දර්ශන සහ මනිකර්ණිකාගේ ධෛර්යය දැක්කම ඇඟ කිළිපොලා යනවා. තමන්ගේ දරුවාවත් පිටේ බැඳගෙන ඇය බ්‍රිතාන්‍ය හමුදාවට එරෙහිව කරන සටන කෙළවර වෙන්නේ කොහොමද? ඒක දැනගන්න නම් මේ සිනමා පටය බලන්නම වෙනවා.

අධ්‍යක්ෂණය: Kangana Ranaut, Radha Krishna Jagarlamudi (Krish)
ප්‍රධාන නළු නිළියන්: Kangana Ranaut, Jisshu Sengupta, Richard Keep, Atul Kulkarni.