Ben 10 රසිකයෙක් නම් මේක අනිවාර්යයෙන්ම බලන්න ඕන චිත්‍රපටයක්. Ben 10: Secret of the Omnitrix එකේදී බෙන්ට මුහුණ දෙන්න වෙන්නේ වෙන කවදාවත් නැති තරම් ලොකු ප්‍රශ්නයකට. සටනක් අතරතුර බෙන්ගේ ‘Omnitrix’ එකේ ‘Self-destruct’ මෝඩ් එක (ස්වයං විනාශකාරී ක්‍රියාවලිය) ඉබේම ක්‍රියාත්මක වෙනවා. ඒ කියන්නේ තව ටික වෙලාවකින් මේ ඔම්නිට්‍රික්ස් එක පුපුරලා යනවා විතරක් නෙවෙයි, මුළු විශ්වයම විනාශ වෙන්න පුළුවන්.

මේක නතර කරන්න පුළුවන් වෙන්නේ මේ ඔම්නිට්‍රික්ස් එක නිර්මාණය කරපු ‘Azmuth’ ට විතරයි. ඉතින් බෙන්, ග්වෙන් සහ ටෙට්‍රැක්ස් එක්ක එකතු වෙලා විශ්වය පුරා Azmuth ව හොයාගෙන යන අන්තරායකර ගමනක් ආරම්භ කරනවා. ඒ යන අතරමගදී විල්ගැක්ස් (Vilgax) ගෙන් එල්ල වෙන බාධා මේ ගමන තවත් අමාරු කරනවා. බෙන්ට නියම වෙලාවට Azmuth ව හම්බවෙයිද? නැත්නම් මුළු විශ්වයම අළු වෙලා යයිද? ඇනිමේෂන් වලට කැමති අයට මේක සුපිරි අත්දැකීමක් වේවි.

Cast (Voice): Tara Strong, Meagan Moore, Paul Eiding, and Dee Bradley Baker.
Director: Sebastian Montes and Sebastian O. Montes III.