ඔබ ලේ පිරුණු, බය හිතෙන සිනමාපට වලට කැමති කෙනෙක්ද? එහෙනම් 31 (2016) කියන්නේ ඔබටම ගැළපෙන අත්දැකීමක්. මේ කතාව පටන් ගන්නේ හැලොවීන් උත්සවය දවසේ ගමනක් යන යාළුවන් පිරිසක් පැහැරගැනීමකට ලක්වීමත් එක්කයි. මේ අයව අරගෙන යන්නේ ‘Murderworld’ කියලා හඳුන්වන අමුතුම තැනකට. එතනදී මේ අයට පැය 12 ක් පුරා දිවෙන ’31’ කියන සෙල්ලමට සහභාගී වෙන්න සිද්ධ වෙනවා. මේක නිකන්ම සෙල්ලමක් නෙවෙයි, මිනීමරු විකටයන් (clowns) පිරිසකගෙන් බේරිලා තමන්ගේ පණ රැකගන්න කරන සටනක්.

මේ චිත්‍රපටය පුරාම තියෙන්නේ අමුතුම විදිහේ බියකරු බවක්. කොයි වෙලාවේ කොහෙන් කවුරු ඇවිත් පහර දෙයිද කියලා හිතන්න බැහැ. ඇඟ කිලිපොලා යන දර්ශන සහ වේගවත් කතාව ගලායාම නිසා චිත්‍රපටය එකදිගට බලන්න හිතෙනවා. Rob Zombie ගේ සිනමා නිර්මාණ වල තියෙන අඳුරු ගතිය මේකෙත් උපරිමයෙන්ම තියෙනවා. ජීවත් වෙන්න තියෙන ආසාව නිසා සාමාන්‍ය මිනිස්සු කොයි වගේ දේවල් කරයිද? මේ ප්‍රශ්නයට උත්තරේ හොයන්න නම් ඔබට මේ චිත්‍රපටය බලන්නම වෙනවා.

Cast: Sheri Moon Zombie, Malcolm McDowell, Richard Brake
Director: Rob Zombie