වෙස්ටර්න් (Western) ටයිප් එකේ චිත්‍රපට වලට කැමති අය මේකටත් අනිවාර්යයෙන්ම කැමති වෙයි. බැංකුවක් කොල්ලකාපු හොරු රැලක්, කාන්තාරයක් හරහා පැනලා යන අතරතුර එක හුදෙකලා නිවසක නවාතැන් ගන්නවා. ඒ නිවසේ ඉන්නේ හරිම ආගමික, අහිංසක පවුලක් කියලා මුලින් පෙනුනට, කතාව ඉස්සරහට යද්දී තමයි දැනගන්නේ ඒ පවුලේ අය ඇතුළෙත් දරුණු රහස් හැංගිලා තියෙනවා කියලා.

හොරුන්ගේ දරුණුකම එක පැත්තකින් තියෙද්දී, මේ පවුලේ සාමාජිකයන් අතර තියෙන අමුතු සම්බන්ධතා හෙළි වෙන්න පටන් ගන්නවා. අවසානයේදී ඇත්තටම ‘නරක මිනිස්සු’ කවුද කියන එක ප්‍රශ්නයක් වෙනවා. එක රැයක් ඇතුළත මේ ගෙදර සිද්ධ වෙන දේවල් ඔයාලා හිතනවාට වඩා ගොඩක් භයානකයි වගේම කුතුහලය පිරුණු එකක්. මේක නිකන්ම නිකන් හොරු සහ පොලිස් කතාවක් නෙමෙයි, ඊට එහා ගිය මනුෂ්‍ය ස්වභාවය ගැන කියන කතාවක්.

අධ්‍යක්ෂණය: JT Mollner
ප්‍රධාන නළු නිළියන්: Chad Michael Murray, Francesca Eastwood, Luke Wilson, Teri Polo