ඔයාලා සෙත් රොජන්ගේ කොමඩි ෆිල්ම් වලට කැමති නම්, මේක ටිකක් වෙනස්ම අත්දැකීමක් වෙයි. හැබැයි මේක අර සුපුරුදු සැහැල්ලු කොමඩියක්ම නෙවෙයි, පොඩ්ඩක් “ඩාර්ක්” පැත්තට බර කතාවක්. කතාව ගෙතෙන්නේ රොනී කියන පුද්ගලයා වටා. රොනී කියන්නේ එක්තරා වෙළඳ සංකීර්ණයක (Mall) ප්‍රධාන ආරක්ෂක නිලධාරියා. මිනිහා තමන්ගේ රක්ෂාව ගැන පුදුම විදිහේ ලොකු අභිමානයකින් ඉන්නේ. හැබැයි ඉතින් මෝල් එකේ ඉන්න අනිත් අයට නම් රොනී කියන්නේ නිකන් විහිළුකාරයෙක් විතරයි.

දවසක් මේ වෙළඳ සංකීර්ණයේ අමුතු සිදුවීමක් වෙනවා. එක්තරා පුද්ගලයෙක් ඇවිත් කාන්තාවන්ට ලිංගික හිරිහැර කරන්න පටන් ගන්නවා. ඉතින් රොනී හිතනවා මේක තමයි තමන්ගේ වීරත්වය පෙන්වන්න ලැබුණු හොඳම අවස්ථාව කියලා. මෙතැනදී පොලිසියත් මැදිහත් වෙනවා. රොනීට ඕනේ පොලිසියට කලින් මේ අපරාධකාරයාව අල්ලලා තමන්ගේ හිත ගිය කෙල්ලට වීරයෙක් වෙන්න. හැබැයි රොනීගේ මේ උත්සාහය නිසා ප්‍රශ්න විසඳෙනවා වෙනුවට තව තවත් අවුල් ජාලාවක් නිර්මාණය වෙනවා. රොනීට ඇත්තටම මේ හොරාව අල්ලන්න පුළුවන් වෙයිද? නැත්නම් හැමෝම ඉස්සරහා තවත් ලොකු විහිළුවක් වෙයිද කියලා බලන්නම වෙනවා.

Director: Jody Hill
Cast: Seth Rogen, Anna Faris, Ray Liotta, Michael Peña