ඔබ ක්‍රීඩාවට වගේම යුධමය කුතුහලයට කැමති කෙනෙක් නම් මේ චිත්‍රපටිය අනිවාර්යෙන්ම බලන්න ඕනේ එකක්. මේක නිකන්ම හදපු කතාවක් නෙවෙයි, සැබෑ ජීවිතයේ සිදුවුණු සිදුවීමක් ඇසුරෙන් නිර්මාණය වුණු සිනමාපටයක්. කතාව ගෙතිලා තියෙන්නේ Moe Berg කියන ප්‍රසිද්ධ බේස්බෝල් ක්‍රීඩකයා වටායි. හැබැයි මොහු සාමාන්‍ය ක්‍රීඩකයෙක් නෙවෙයි; භාෂා ගණනාවක් කතා කරන්න පුළුවන්, අතිශය බුද්ධිමත් පුද්ගලයෙක්.

දෙවැනි ලෝක යුද්ධය ඇවිළෙන කාලේ, ඇමරිකානු රජය මොහුව ඔත්තුකරුවෙක් විදිහට බඳවා ගන්නවා. එතැනින් පස්සේ මොහුට ලැබෙන මෙහෙයුම තමයි ලෝකයේ ඉරණම තීරණය කරන එක. ඒ මොකක්ද දන්නවද? නාසි ජර්මනිය පරමාණු බෝම්බයක් හදන්න උත්සාහ කරනවද කියලා හොයලා බලන එක. ඒ වගේම ඒ වැඩේ පිටුපස ඉන්න විද්‍යාඥයා වන Werner Heisenberg ව මරා දමන්න මොහුට සිද්ධ වෙයිද?

මුළු ලෝකයේම අවධානය දිනාගත්ත සුපිරි තරුවක්, ජීවිතයත් මරණයත් අතර සටනක යෙදෙන මේ රහසිගත ගමන හරිම කුතුහලයෙන් පිරුණු එකක්. ඔහුට තම අනන්‍යතාවය සඟවාගෙන මේ මෙහෙයුම සාර්ථක කරගන්න පුළුවන් වෙයිද කියලා චිත්‍රපටිය බලලම දැනගන්න.

Cast: Paul Rudd, Mark Strong, Sienna Miller, Jeff Daniels
Director: Ben Lewin