කවුරුත් විශ්වාස කරන්න එපා! අන්න ඒක තමයි මේ චිත්‍රපටයේ තේමාව. රොවීනා ප්‍රයිස් කියන්නේ ඉතාමත් දක්ෂ ගවේෂණාත්මක මාධ්‍යවේදිනියක්. දවසක් ඇගේ හොඳම යෙහෙළියක් හිටිහැටියේම ඝාතනය වෙනවා. මේ මරණය ගැන සැක කරන්නේ නගරයේ ඉන්න ඉතාම බලවත් ව්‍යාපාරිකයෙක් වන හැරිසන් හිල්වයි. හැරිසන් කියන්නේ සල්ලි සහ බලය තියෙන ඕනෑම දෙයක් යටපත් කරන්න පුළුවන් කෙනෙක්.

ඉතින් රොවීනා තීරණය කරනවා රහසිගතව මේ ගැන හොයන්න. ඇය වෙස් වලාගෙන ඔහුගේ ආයතනයට රක්ෂාවට යනවා. ඒ වගේම අන්තර්ජාලය හරහාත් විවිධ අනන්‍යතාවලින් ඔහුට කිට්ටු වෙන්න උත්සාහ කරනවා. හැබැයි මේ ගමනේදී ඇය හොයාගන්න රහස් ඇයවම ලොකු අනතුරක පටලවනවා. කතාවේ අවසානය වෙනකල්ම ඔයාලට හිතාගන්න බැරි වෙයි ඇත්තම මිනීමරුවා කවුද කියලා. හැම චරිතයකටම සැඟවුණු අතීතයක් තියෙනවා. ඔබ හිතන කෙනා නෙවෙයි සමහරවිට වැරදිකාරයා වෙන්නේ. සයිබර් අවකාශය සහ සැබෑ ලෝකය අතර පැටලුණු මේ අභිරහස ලිහාගන්න නම් මේ චිත්‍රපටය බලන්නම වෙනවා.

Director: James Foley
Cast: Halle Berry, Bruce Willis, Giovanni Ribisi