විශ්වවිද්‍යාලයක පසුබිමක සිදුවන අද්භූත සහ කුතුහලය පිරුණු කතාවක් බලන්න කැමති අයට Master කියන්නේ හොඳ තේරීමක්. මේ චිත්‍රපටය දිවෙන්නේ කළු ජාතික කාන්තාවන් දෙදෙනෙක් වටායි. එක් අයෙක් විශ්වවිද්‍යාලයේ නව පීඨාධිපතිනියක් වන Gail, අනෙක් කෙනා පළමු වසරේ ශිෂ්‍යාවක් වන Jasmine. ඔවුන් ඉන්න මේ ප්‍රසිද්ධ විශ්වවිද්‍යාලය ඇතුළේ ලොකු අභිරහසක් සැඟවිලා තියෙනවා. ඒ වගේම මේ භූමියට සම්බන්ධ අතීත ශාපයක් ගැන කතාවකුත් පැතිරිලා තියෙනවා.

Jasmine ට මුහුණ දෙන්න සිද්ධ වෙන අත්භූත සිදුවීම් එක්ක මුළු පරිසරයම භීතියට පත් වෙනවා. Gail මේ හැමදේකම ඇත්ත නැත්ත හොයන්න උත්සාහ කරද්දී ඇයට වැටහෙනවා මේ ප්‍රශ්නය පෙනෙනවාට වඩා හුඟක් ගැඹුරු එකක් කියලා. මේක හුදෙක් භීෂණය පිරුණු කතාවක් විතරක් නෙවෙයි, සමාජයේ තියෙන වෙනස්කම් සහ සැඟවුණු අඳුරු පැති ගැනත් කතා කරන නිර්මාණයක්. ඒ අභිරහස මොකක්ද කියලා දැනගන්න නම් අනිවාර්යයෙන්ම අවසානය දක්වා බලන්න ඕනේ.

අධ්‍යක්ෂණය: Mariama Diallo
ප්‍රධාන නළු නිළියන්: Regina Hall, Zoe Renee, Amber Gray