Mission Majnu (2023) Sinhala Subtitle | සිංහල උපසිරැසි
ඉන්දියාව සහ පකිස්ථානය අතර තියෙන සීතල යුද්ධය ගැන අපි කවුරුත් දන්නවනේ. ඒත් ඒ යුද්ධයට යටින් ලෝකයට රහසින් ක්රියාත්මක වුණු මෙහෙයුම් ගැන ඔයාලා දන්නවද? Mission Majnu (2023) කියන්නේ 1970 දශකයේදී පකිස්ථානය ඇතුළේ රහසින් ක්රියාත්මක වුණු ඉන්දියානු ඔත්තුකරුවෙකුගේ සත්ය කතාවක් ආශ්රයෙන් නිර්මාණය වුණු චිත්රපටයක්.
සිද්ධාර්ථ් මල්හෝත්රා රඟපාන ‘අමන්’ කියන ඔත්තුකරුවා පකිස්ථානයට යන්නේ සාමාන්ය මිනිහෙක් විදිහට වෙස්වලාගෙන. ඔහු එහේදී පකිස්ථාන තරුණියක් එක්ක විවාහ වෙලා සාමාන්ය පවුල් ජීවිතයක් ගත කරනවා. ඒත් ඔහුගේ ඇත්තම මෙහෙයුම මොකක්ද? පකිස්ථානය රහසින් හදන න්යෂ්ටික අවියක් ගැන තොරතුරු හොයන එකයි ඔහුගේ එකම අරමුණ.
මේ චිත්රපටය බලද්දී ඔයාගේ ඇඟ කිලිපොලා යන අවස්ථා ගොඩක් තියෙනවා. තමන්ගේ රට වෙනුවෙන් තමන්ගේ ආදරය පවා පරදුවට තියන්න ඔහුට සිද්ධ වෙනවා. අමන්ත ඔහුගේ මෙහෙයුම සාර්ථක කරගන්න පුළුවන් වෙයිද? පකිස්ථාන රජයට ඔහුව අහුවෙයිද? දේශප්රේමය සහ ආදරය අතර දෝලනය වන මේ කතාව අවසානය දක්වාම හුස්ම හිරවෙන කුතුහලයකින් බලන්න පුළුවන්.