පුතෙක් නැති වුණ අම්මා කෙනෙක්ගේ වේදනාව මොන වගේද? ඒත් ඒ පුතාව ආපහු ගේන්න අඳුරු බලවේග එක්ක ගනුදෙනු කරන්න ලැබුණොත් ඇය ඒක කරයිද? From Black (2023) කියන්නේ හිතාගන්න බැරි තරම් භයානක රහස් පිරුණු Horror ෆිල්ම් එකක්. කතාවේ ඉන්නේ කෝරා කියන අම්මා. අවුරුදු පහකට කලින් ඇගේ පුතා අතුරුදන් වෙනවා. ඒ දුකත් එක්ක ජීවත් වෙන කෝරාට දවසක් අමුතුම අවස්ථාවක් ලැබෙනවා.

ඇයට හම්බවෙනවා එක පුද්ගලයෙක්, ඔහු කියනවා පුතාව ආපහු ගේන්න පුළුවන් විදිහක් තියෙනවා කියලා. හැබැයි ඒක ලේසි දෙයක් නෙවෙයි. ඒකට අමුතුම චාරිත්‍ර වාරිත්‍ර ටිකක් කරන්න ඕනේ. මේ දේවල් කරන්නේ අඳුරු බලවේග කැඳවලා. කෝරා තමන්ගේ පුතාට තියෙන ආදරේ නිසා මේ හැමදේකටම එකඟ වෙනවා. හැබැයි ඇය දන්නේ නැහැ ඇය ඇතුළු වෙන්නේ කවදාවත් ගැලවෙන්න බැරි අඳුරු උගුලකට කියලා.

මේ චාරිත්‍ර පටන් ගත්තට පස්සේ ඇයට පේන දේවල්, ඇය අත්දකින දේවල් ඇත්තටම දරුණුයි. මියගිය අය ආපහු ගේන්න හැදුවම ගෙවන්න වෙන වන්දිය මොකක්ද? අන්තිමේදී ඇයට ඇගේ පුතාව ලැබෙයිද නැත්නම් ඇයත් මේ අඳුරටම බිලිවෙයිද? ඔයා අද්භූත දේවල් බලන්න කැමති කෙනෙක් නම් “From Black” කියන්නේ අනිවාර්යයෙන්ම බලන්න ඕනේ ෆිල්ම් එකක්. මේකේ තියෙන ශබ්ද සහ දර්ශන ඔයාව ඇසිපිය නොහෙලා තියාගනීවි.