ඔබ හොල්මන් සහ අද්භූත කතාවලට කැමති කෙනෙක් නම් Tales from Black Manor (2025) කියන්නේ නියම තේරීමක්. “Black Manor” කියන්නේ ශාපලත් මන්දිරයක්. මේ මන්දිරය ඇතුළේ සැඟවුණු එක එක විදිහේ බිහිසුණු කතා කිහිපයක් තමයි මේ චිත්‍රපටයෙන් දිගහැරෙන්නේ. එකම තැනක, විවිධ කාලවලදී සිද්ධ වුණු දේවල් මේකට ඇතුළත්.

මේ මන්දිරයට අඩිය තියන ඕනෑම කෙනෙකුට තමන්ගේ අතීතයේ කරපු වැරදි වලට වන්දි ගෙවන්න වෙනවා. එතන තියෙන කළු බලවේග මිනිසුන්ගේ හිතේ තියෙන බය පාවිච්චි කරලා ඔවුන්ව විනාශ කරනවා. ඇයි මේ මන්දිරයට මෙහෙම වුණේ? මෙතන ඉන්න ආත්මවලට ඕන කරන්නේ මොකක්ද? කියන දේ ගැන ලොකු කුතුහලයක් චිත්‍රපටය බලන අතරතුර ඇති වෙනවා.

හුදෙක්ම බය කරන එක විතරක් නෙවෙයි, මේ හැම කතාවක්ම ඇතුළේ ලොකු අර්ථයක් සහ රහසක් හංගලා තියෙනවා. ශබ්ද පරිපාලනය සහ අඳුරු පසුතල නිසා ඔබ ඇත්තටම ඒ මන්දිරය ඇතුළේ ඉන්නවා වගේ හැඟීමක් දැනෙනවා නිසැකයි. අන්තිම කතාවෙන් මුළු මන්දිරයේම රහස හෙළි වෙද්දී ඔබ අන්දුන්කුන්දුන් වේවි.