ඇනිමේෂන් කිව්වම පොඩි ළමයින්ට විතරයි කියලා හිතන් ඉන්නවනම් මේ ෆිල්ම් එක බැලුවට පස්සේ ඒ අදහස අනිවාර්යයෙන්ම වෙනස් වෙයි. Cowboy Bebop කියන්නේ ලෝකේ පුරාම අතිශය ජනප්‍රිය වුනු Anime සීරීස් එකක්. මේ චිත්‍රපටය ඒ කතාවේම දිගුවක් විදියටයි යන්නේ. කතාව සිද්ධ වෙන්නේ අනාගතයේ, හරියටම කිව්වොත් 2071 වසරේ අඟහරු ලෝකයේ. හැලොවීන් දවසට ඔන්න මෙන්න තියලා ත්‍රස්තවාදියෙක් අඟහරු වල ජනාකීර්ණ නගරයකට මාරාන්තික වෛරසයක් මුදා හරිනවා.

මේකෙන් සිය ගාණක් මිනිස්සු මැරෙනවා. ඉතින් රජය තීරණය කරනවා මේ ත්‍රස්තවාදියව අල්ලලා දෙන කෙනෙක්ට විශාල මුදලක් තෑගි දෙන්න. මෙන්න මෙතනදි තමයි අපේ කතාවේ වීරයෝ ටික එන්ටර් වෙන්නේ. ස්පයික් සහ එයාගේ කණ්ඩායම කියන්නේ අභ්‍යවකාශයේ ඉන්න “Bounty Hunters” ලා නැත්නම් සල්ලි වලට අපරාධකාරයෝ අල්ලන අය. මේ ලොකු ගාණ දැක්කම මෙයාලා කොහොමහරි මේ වැඩේට බහිනවා.

හැබැයි මේ ත්‍රස්තවාදියා නිකම්ම නිකම් කෙනෙක් නෙවෙයි. එයාට තියෙන බලය සහ එයාගේ අරමුණ හිතාගන්නවත් බැරි තරම් භයානකයි. ස්පයික් ඇතුළු පිරිසට මේක ලේසි වෙන්නේ නෑ. ෆිල්ම් එකේ තියෙන සටන් ජවනිකා, පසුබිම් සංගීතය සහ චිත්‍ර ඇඳලා තියෙන විදිය ඇත්තටම පිස්සු හැදෙනවා. අර වෛරසය මුළු නගරයම විනාශ කරන්න කලින් එයාලට මේක නවත්තන්න පුළුවන් වෙයිද? ස්පයික්ගේ අතීතය මේකට සම්බන්ධ වෙන්නේ කොහොමද? Sci-Fi සහ Action වලට කැමති අය අනිවාර්යයෙන්ම නැරඹිය යුතු විශිෂ්ට ගනයේ සිනමා නිර්මාණයක්.