හිතන්න, ඔබ ජීවතුන් අතර ඉන්නවා, හැබැයි කිසිම කෙනෙකුට ඔබව පේන්නේ නැහැ, ඇහෙන්නේ නැහැ කියලා. කොච්චර බය හිතෙන අත්දැකීමක්ද? The Invisible චිත්‍රපටය ගෙතෙන්නේ නික් පවල් කියන තරුණ ශිෂ්‍යයා වටා. නික් කියන්නේ හොඳ අනාගතයක් තියෙන දක්ෂ ළමයෙක්. හැබැයි එක අවාසනාවන්ත දවසක වෙච්ච පොඩි පටලැවිල්ලක් නිසා “ඇනී” කියන කෙල්ලෙක් ඇතුළු පිරිසක් නික්ට දරුණු විදිහට පහර දෙනවා. ඔවුන් හිතන්නේ නික් මැරුණා කියලා.

හැබැයි පුදුමය කියන්නේ නික් මැරිලා නැහැ. එයා ඉන්නේ ජීවිතයත් මරණයත් අතර අතරමං වෙලා. එයාගේ ශරීරය කොහේ හරි තැනක සැඟවිලා තියෙද්දී, එයාගේ ආත්මය ලෝකය පුරා ඇවිදිනවා. එයාට තමන්ගේ අම්මා අඬනවා පේනවා, පොලිසිය තමන්ව හොයනවා පේනවා, හැබැයි කාටවත් නික්ව පේන්නේ නැහැ. නික්ට තේරෙනවා තමන්ගේ ශරීරය ඉක්මනින්ම හොයාගත්තේ නැත්නම් තමන් ඇත්තටම මැරිලා යනවා කියලා.

හැබැයි මේ හැමදේටම එකම බලාපොරොත්තුවක් තියෙනවා. ඒ තමයි තමන්ට පහර දීපු ඇනී. යම්කිසි හේතුවක් නිසා ඇනීට විතරක් නික්ගේ හඬ ඇහෙනවා වගේ දැනෙනවා. වෛරය, පසුතැවීම සහ අද්භූත බව පිරුණු මේ කතාවේ නික්ට තමන්ගේ පණ බේරගන්න ලැබෙයිද? ඇනී තමන් කරපු වැරැද්ද නිවැරදි කරයිද? අවසානය වෙනකම්ම හුස්ම හිරකරගෙන බලන්න පුළුවන් සුපිරි චිත්‍රපටයක් තමයි මේ.