ජපානයේ ප්‍රසිද්ධම සුපිරි වීරයෙක් වෙන ‘Kamen Rider’ ව අමුතුම විදිහකට නිර්මාණය කරපු ෆිල්ම් එක තමයි Shin Kamen Rider (2023). මේක සාමාන්‍ය වීර කතාවකට වඩා ටිකක් ගැඹුරු සහ හැඟීම්බර එකක්. ටකේෂි හොන්ගෝ කියන තරුණයා අමුතු සංවිධානයකින් පැහැරගෙන යනවා. ඔවුන් එයාව මිනිස්-සත්ව දෙමුහුන් (Augmented) සටන්කරුවෙක් බවට පත් කරනවා. එයාට ලැබෙන්නේ පළඟැටියෙකුගේ වගේ අසාමාන්‍ය ශක්තියක්.

හැබැයි ටකේෂි තීරණය කරනවා මේ අශුද්ධ බලවේගයට විරුද්ධව සටන් කරන්න. එයා තමන්ගේ මේ අලුත් ශක්තිය පාවිච්චි කරලා ලෝකය විනාශ කරන්න හදන ‘SHOCKER’ කියන සංවිධානයට එරෙහිව සටනට බහිනවා. මේ ගමනේදී එයාට උදව්වට රූරි කියන තරුණියත් එකතු වෙනවා. මේ දෙන්නාට මුහුණ දෙන්න වෙන්නේ ලේසි පහසු සතුරන්ට නෙවෙයි. එක එක විදිහේ බලගතු රකුසෝ (Augments) පස්සෙන් පන්නනවා.

මේ චිත්‍රපටයේ තියෙන විශේෂත්වය තමයි එහි ඇති අපූරු දෘශ්‍ය ප්‍රයෝග (Visual Effects) සහ සටන් දර්ශන. පරණ Kamen Rider මතකයත් එක්ක අලුත් තාක්ෂණය මිශ්‍ර වෙලා තියෙන විදිහ මරු. තමන්ට බලහත්කාරයෙන් ලැබුණු මේ ශක්තිය තමන්ගේ පාලනයට නතු කරගෙන, ලෝකය බේරගන්න ටකේෂි දරන උත්සාහය බලන්න වටිනවා. ‘Action’ සහ ‘Sci-Fi’ රසිකයෙක් නම් මේ චිත්‍රපටය ඔයාට පට්ට අත්දැකීමක් වෙයි.