ඔබ මනඃකල්පිත (Fantasy) ලෝකවලට කැමති කෙනෙක් නම්, The Magic Flute කියන්නේ මඟ නොහැරිය යුතුම චිත්‍රපටයක්. මේ කතාව ගෙතිලා තියෙන්නේ 17 හැවිරිදි ටිම් වෝකර් කියන දක්ෂ තරුණයා වටායි. ටිම්ගේ ලොකුම හීනය වෙන්නේ ලෝක ප්‍රසිද්ධ මොසාර්ට් සංගීත විද්‍යාලයට ඇතුළත් වෙන එක. කොහොමහරි එයාට ඒ අවස්ථාව ලැබෙනවා. හැබැයි ඒ ඉස්කෝලේ ඇතුළේ එයාට මුහුණ දෙන්න වෙන්නේ හිතාගන්න බැරි දේකට.

ටිම්ට අහම්බෙන් රහස් දොරටුවක් හම්බවෙනවා. ඒ දොරටුවෙන් ගියාම එයා වැටෙන්නේ මොසාර්ට්ගේ සුප්‍රසිද්ධ ‘මැජික් ෆ්ලූට්’ ඔපෙරාවේ තියෙන මායාකාරී ලෝකයටයි. එතනින් එහාට ටිම්ගේ ජීවිතේ සම්පූර්ණයෙන්ම වෙනස් වෙනවා. එක පැත්තකින් ඉස්කෝලේ විනය සහ තරඟකාරීත්වය, අනිත් පැත්තෙන් මායාවෙන් පිරුණු ලෝකයක කුමාරයෙක් විදිහට එයාට කරන්න තියෙන අභියෝග. මේ දෙක අතර ටිම් කොහොමද තමන්ගේ ගමන යන්නේ?

සංගීතයයි, ඇඩ්වෙන්චර්ස්වලටයි කැමති අයට මේක සුපිරි අත්දැකීමක් වෙයි. මොසාර්ට්ගේ සංගීතයට නව පණක් දීලා තියෙන මේ චිත්‍රපටය, ඔබව හීන ලෝකයකට අරන් යනවා සිකුරුයි. අවසානයේ ටිම්ට තමන්ගේ හීනය සැබෑ කරගන්න පුළුවන් වෙයිද? නැත්නම් මේ මායා ලෝකය ඇතුළේ එයා හිරවෙයිද? ඒක දැනගන්න නම් අනිවාර්යයෙන්ම බලන්න ඕනේ.