Thriller සහ සැකයෙන් පිරුණු චිත්‍රපට රසිකයන්ට Night of the Sicario කියන්නේ සුපිරි අත්දැකීමක්. කතාව පටන් ගන්නේ ටේලර් සහ ඇයගේ දියණිය වටායි. ඔවුන් දෙන්නට සිද්ධ වෙනවා මාරාන්තික අපරාධ කල්ලියකින් බේරිලා පලා යන්න. මේ කල්ලිය ඉන්නේ කොහොමහරි මුන් දෙන්නව මරලා දාන්න. ඇයි මේ අය පස්සෙන් පන්නන්නේ? ඒකට හේතුව ටේලර් සතුව තියෙන රහසක්.

පලා යන අතරතුර ඔවුන්ට රැකවරණය හම්බවෙන්නේ හුදකලා මන්දිරයක. හැබැයි ඒක ඇතුළෙත් ඔවුන් ආරක්ෂිත නැහැ. පිටතින් එන සතුරෝ සහ ඇතුළේ තියෙන භයානක තත්ත්වයන් එක්ක සටන් කරන්න මේ අම්මාට සහ දුවට සිද්ධ වෙනවා. මේක හුදෙක් සටනක් විතරක් නෙවෙයි, තමන්ගේ ආදරණීයයන් වෙනුවෙන් ඕනෑම කැප කිරීමක් කරන හැටි ගැන කියවෙන කතාවක්.

චිත්‍රපටය පුරාවටම තියෙන්නේ “ඊළඟට මොනවා වෙයිද?” කියන බය සහ කුතුහලයයි. මැර කල්ලිය මේ ආරක්ෂිත තැනට ඇතුළු වෙයිද? ටේලර්ට තමන්ගේ දුවව බේරගන්න පුළුවන් වෙයිද? ඉතාම සීමිත පිරිසක් සහ සීමිත වටපිටාවක් පාවිච්චි කරලා හදපු මේ චිත්‍රපටය, බලන කෙනාව සීට් එකේ කෙළවරටම ගේනවා සිකුරුයි. කුතුහලය උපරිමයට තියෙන ෆිල්ම් එකක් බලන්න ඕනේ නම් මේක අතාරින්න එපා.