අපි හැමෝම දන්නවා මත්ද්‍රව්‍යවලට ඇබ්බැහි වුණ අයව සුවපත් කරන පුනරුත්ථාපන මධ්‍යස්ථාන තියෙනවා කියලා. හැබැයි ඒ වගේ තැන් පාවිච්චි කරලා කෝටි ගණන් මුදල් උපයන මහා පරිමාණ ජාවාරමක් ගැන ඔයාලා අහලා තියෙනවාද? Body Brokers කියන්නේ අන්න ඒ අඳුරු ලෝකය ගැන කියන කතාවක්. මේක බලද්දී ඇත්තටම මෙහෙම දේවල් ලෝකේ වෙනවාද කියලා ඔයාලට පුදුම හිතෙයි.

කතාවේ ප්‍රධාන චරිතය යුටා, ඔහු මත්ද්‍රව්‍යවලට ඇබ්බැහි වුණු තරුණයෙක්. ඔහුට හමුවෙනවා එක පුද්ගලයෙක්, ඔහු පොරොන්දු වෙනවා යුටාව මේ අපායෙන් බේරලා හොඳ පුනරුත්ථාපන මධ්‍යස්ථානයකට යවන්නම් කියලා. හැබැයි මේක උදව්වක් නෙවෙයි, මේක බිස්නස් එකක්. මේ ‘Body Brokers’ ලා කරන්නේ රක්ෂණ ක්‍රමය පාවිච්චි කරලා ඇබ්බැහි වුණ මිනිස්සුන්ව බිස්නස් එකක් විදිහට පාවිච්චි කරන එක. ඔවුන්ව සුව කරනවාට වඩා, ඔවුන්ව දිගටම මේ ඇබ්බැහියේ තියාගන්න එක තමයි මේ ජාවාරම්කාරයන්ගේ අරමුණ.

යුටාත් පස්සේ මේ බිස්නස් එකටම එකතු වෙනවා. එතනින් එහාට ඔහු දකින දේවල්, මේ සිස්ටම් එකේ තියෙන කුණුකන්දල් සෑහෙන්න බරපතළයි. මිනිස්සුන්ගේ ජීවිත එක්ක සෙල්ලම් කරන මේ ‘සල්ලි මැෂින්’ එක ඇතුළේ යුටාට මොනවා වෙයිද? ඔහුට මේකෙන් ගැලවෙන්න පුළුවන් වෙයිද? ඇත්තටම අපිට පෙනෙන විදිහට ලෝකේ සමහර ආයතන සේවය කරනවාද නැත්නම් ලාභ ලබනවාද කියන එක ගැන මේක බලලා ඔයාලම තීරණය කරන්න. මේක සෑහෙන්න ආන්දෝලනාත්මක කතාවක්.