Adam Cesare ගේ ජනප්‍රිය නවකතාව ඇසුරෙන් නිර්මාණය වුණු Clown in a Cornfield කියන්නේ ලේ හොලන, ගැස්සෙන ජාතියේ ‘Slasher’ මූවී එකක්. කතාව වෙන්නේ ‘Kettle Springs’ කියන පොඩි නගරයක. මේ නගරයට අලුතින් එන Quinn Maybrook ට ඕන වෙන්නේ තමන්ගේ අතීතය අමතක කරලා නිදහස් ජීවිතයක් ගත කරන්න. හැබැයි ඒ හීනය වැඩි කාලයක් පවතින්නේ නැහැ.

නගරයේ ඉන්න තරුණ පරපුර සහ පැරණි සම්ප්‍රදායන් රකින වැඩිහිටියන් අතර ලොකු ගැටුමක් තියෙනවා. මේ ගැටුම මැදට තමයි ‘Frendo’ කියන විහිළු තහළු කරන රූපයක් (Mascot) පන්න පන්නා පහර දෙන්න පටන් ගන්නේ. හැබැයි මේ ‘Clown’ ලේ පිපාසිතයෙක්. ඉරිඟු යායන් මැදින් දුවද්දී, කවුරු මියයයිද, කවුරු ඉතිරි වෙයිද කියලා හිතාගන්න බැහැ.

මේ චිත්‍රපටය නිකම්ම මිනීමැරුම් ගැන විතරක් නෙවෙයි, සමාජයේ තියෙන පරම්පරා දෙකක ගැටුම ගැනත් ලස්සනට කතා කරනවා. ඔයා හොරර් මූවීස්වලට ආස නම්, විශේෂයෙන්ම Mask දාගත්ත මිනීමරුවන් ඉන්න කතාවලට කැමති නම්, මේක ඔයා වෙනුවෙන්මයි. හැබැයි මතක තබාගන්න, ඉරිඟු යාය ඇතුළේ හැංගිලා ඉන්නේ මිනීමරුවෙක් විතරක් නෙවෙයි, මුළු නගරයකම තියෙන අඳුරු සත්‍යයයි!