ඔන්න ඔයාලා ඇක්ෂන් ෆිල්ම් වලට ආස නම් මේ අවුරුද්දේ මග නොහැරම බලන්න ඕනෙ එකක් තමයි Blood Brothers: Fury of the Dragon කියන්නේ. මේකේ කතාව ගෙතෙන්නේ කුඩා කාලයේදී වෙන් වෙච්ච සහෝදරයෝ දෙන්නෙක් වටා. එක්කෙනෙක් නීතිය රකින්න කැපවුණු කෙනෙක් වෙද්දී, අනෙක් සහෝදරයා පාතාල ලෝකයේ ප්‍රබල සෙවණැල්ලක් බවට පත්වෙලා. හැබැයි මේ දෙන්නටම ආයෙත් එකතු වෙන්න සිද්ධ වෙනවා එයාලගේ පවුලේ රහසක් එක්ක බැඳුණු “ඩ්‍රැගන්” නමැති අභිරහස් කල්ලියක් නිසා.

මේ චිත්‍රපටිය පුරාම තියෙන්නේ හිතාගන්න බැරි විදිහේ සටන් දර්ශන. සහෝදරයෝ දෙන්නා අතර තියෙන ලේ සබඳතාවයයි, එයාලගේ පරම්පරාවෙන් එන ඒ සටන් කලාවයි එකතු වුණාම ඇතිවන තත්වය හරිම බයානකයි. ඒත් ඇත්තටම මේ සහෝදරයෝ දෙන්නා එකට එකතු වෙලා හතුරාට එරෙහිව සටන් කරයිද? නැත්නම් පරණ තරහවල් නිසා එකිනෙකාව මරාගනියිද? කියන එක ලොකු ප්‍රහේලිකාවක්.

චිත්‍රපටයේ අවසානය වෙනකල්ම කුතුහලය උපරිමයෙන් තියෙනවා. විශේෂයෙන්ම මේකේ තියෙන මාෂල් ආර්ට්ස් දර්ශන ඇස් අදහාගන්න බැරි තරම් තාත්විකයි. ඉතින් ඔයාලා ඇඩ්‍රිනලින් වැඩිවෙන විදිහේ හොද ඇක්ෂන් ත්‍රිලර් එකක් හොයනවා නම් මේක අනිවාර්යයෙන්ම බලන්න. මේ ඩ්‍රැගන් කල්ලියේ සැබෑ නායකයා කවුද සහ ඔහුට සහෝදරයන්ගෙන් මොනවද ඕනෙ කරන්නේ කියන එක දැනගන්න නම් ඔයාලට ෆිල්ම් එක බලන්නම වෙනවා.