ඔයා අභිරහස් සහ මිනීමැරුම් විසඳන කතාවලට කැමති කෙනෙක් නම්, The Oxford Murders (2008) කියන්නේ ඔයා මග නොහැරිය යුතුම චිත්‍රපටියක්. මේකේ කතාව ගෙතෙන්නේ ඔක්ස්ෆර්ඩ් විශ්වවිද්‍යාලය වටා. මාටින් කියන්නේ ගණිතය හදාරන්න ඇමරිකාවේ ඉඳන් එන තරුණ ශිෂ්‍යයෙක්. එයාගේ ලොකුම හීනය තමයි ප්‍රසිද්ධ ගණිතඥයෙක් වන ආතර් සෙල්ඩම්ව මුණගැහෙන එක. හැබැයි මාටින් ලැගුම් ගන්න ගෙදර අයිතිකාරිය අභිරහස් විදිහට මරා දාලා තියෙනවා ඔහුට දකින්න ලැබෙනවා.

මෙන්න මේ මිනීමැරුමත් එක්ක මාටින් සහ මහාචාර්ය සෙල්ඩම් දෙන්නම එකතු වෙලා මේ අභිරහස විසඳන්න පටන් ගන්නවා. මේ මිනීමරුවා හරිම අමුතුයි. එයා හැම මිනීමැරුමකටම පස්සේ මොකක් හරි ගණිතමය සලකුණක් හෝ රටාවක් (pattern) ඉතිරි කරලා යනවා. මේක නිකම්ම මිනීමැරුම් මාලාවක් නෙවෙයි, මිනීමරුවා සහ මේ දෙන්නා අතර තියෙන බුද්ධිමය සටනක් වගෙයි පේන්නේ.

හැම දෙයක්ම තර්කානුකූලව සහ ගණිතමය විදිහට විසඳන්න පුළුවන් කියලා විශ්වාස කරන මේ දෙන්නාට, මේ මිනීමරුවාව අල්ලගන්න පුළුවන් වෙයිද? එක මිනීමැරුමකට පස්සේ තව එකක් සිද්ධ වෙද්දී, ඒ සලකුණු වලින් කියවෙන ඇත්තම කතාව මොකක්ද? මේ චිත්‍රපටිය බලන ඔයාටත් හිතන්න වෙනවා මීළඟට මොකක් වෙයිද කියලා. හැම සැකකරුවෙක්ම වරදකරුවෙක් වගේ පෙනෙද්දී, සැබෑ මිනීමරුවා කවුද කියන එක චිත්‍රපටියේ අවසානය වෙනකල්ම හිතාගන්න බැරි විදිහට කුතුහලය රඳවාගෙන තියෙනවා. බුද්ධිය සහ තර්කය පාවිච්චි කරලා කරන මේ අමුතුම ගවේෂණය ඔයාව කුල්මත් කරනවා නොඅනුමානයි.