සල්ලි, කපටිකම් සහ නොසිතන හැරවුම් (Twists) තියෙන චිත්‍රපට බලන්න කවුද අකමැති? The Art of the Steal (2013) කියන්නේ අන්න ඒ වගේ හරිම විනෝදජනක, ඒ වගේම කුතුහලය පිරුණු “Heist” වර්ගයේ චිත්‍රපටයක්. මෙහි ප්‍රධාන චරිතය වෙන්නේ ක්‍රන්ච් කැල්හූන් (Crunch Calhoun). ඔහු යතුරුපැදි සංදර්ශන පවත්වන කෙනෙක් වගේම අතීතයේ දක්ෂ කලා නිර්මාණ හොරකම් කරපු කෙනෙක්. හැබැයි එක හොරකමක් වැරදිලා ඔහුට හිරේ යන්න සිද්ධ වෙනවා.

හිරෙන් නිදහස් වෙලා ආවට පස්සේ, ක්‍රන්ච් හදන්නේ හොඳ විදිහට ජීවත් වෙන්න. හැබැයි ඔහුගේ සහෝදරයා වන නිකී ආයෙමත් ඔහුව අන්තිම එක හොරකමකට පොළඹවනවා. මේක නිකන්ම හොරකමක් නෙවෙයි, ලෝකයේ තියෙන වටිනාම පොතක් හොරකම් කරන එකයි මේ සැලසුම. ඉතින් මේ වැඩේට ක්‍රන්ච් තමන්ගේ පරණ කණ්ඩායම ආයෙමත් එකතු කරගන්නවා. හැබැයි හොරුන් අතර විශ්වාසය කියන එක කොයි වගේද කියලා ඔයාලා දන්නවනේ?

The Art of the Steal චිත්‍රපටයේ තියෙන විශේෂත්වය තමයි, කතාවේ අවසානය වෙනකම්ම කවුද කාටද උගුලක් අටවන්නේ කියලා හිතාගන්න බැරි එක. Kurt Russell ගේ රංගනය මේකට ලොකු පණක් දෙනවා. චිත්‍රපටය පුරාම තියෙන දෙබස් සහ හාස්‍යජනක සිදුවීම් නිසා කම්මැලිකමක් නැතුව බලන්න පුළුවන්. සැලසුම් කරන විදිහ, හොරකම සිද්ධ වෙන විදිහ සහ අවසානයේ සිද්ධ වෙන අදහාගත නොහැකි පෙරළිය ඔයාලව පුදුම කරවනවා සහතිකයි. ඔයාලා ‘Ocean’s Eleven’ වගේ චිත්‍රපට වලට කැමති නම්, මේකත් අනිවාර්යයෙන්ම බලන්න. මොකද මේක “කලාවක්” වගේ කරපු හොරකමක්!