ඔයාලා හැමෝම අහලා ඇතිනේ “Prince Charming” ගැන? අර හැම සුරංගනා කතාවකම ඉන්න ලස්සන කුමාරයා. හැබැයි මේ “Charming” ෆිල්ම් එකේ ඉන්නේ අපි දන්න කුමාරයා නෙවෙයි. මේක හරිම විනෝදජනක, ඒ වගේම වෙනස්ම විදියේ ඇනිමේෂන් කතාවක්. මේ කුමාරයාට පුංචි කාලෙදිම ශාපයක් වැදිලා තියෙනවා. ඒ තමයි එයා දකින ඕනෑම ගෑනු ළමයෙක් එයාට පිස්සුවෙන් වගේ ආදරය කරන එක.

අහන්න ලස්සන වුණාට, මේක කුමාරයාට ලොකු වදයක් වෙනවා. මොකද එයාට ඇත්ත ආදරය කියන්නේ මොකක්ද කියලා හොයාගන්න බැරි වෙනවා. මේ ශාපය නිසා මුළු රාජධානියම අවුලෙන් අවුලට පත්වෙලා තියෙන්නේ. ඉතින් මේ කුමාරයාට තමන්ගේ 21 වෙනි උපන්දිනයට කලින් තමන්ගේ ඇත්තම ආදරය හොයාගන්න වෙනවා. එහෙම නොවුණොත් මුළු රාජධානියටම ආදරය කියන දේ සදහටම අහිමි වෙලා යනවා.

මේ ගමන යන්න කුමාරයාට උදව්වට එන්නේ ලෙනෝර් කියලා හරිම හිතුවක්කාර, හැබැයි දක්ෂ කෙල්ලෙක්. මේ දෙන්නා එකතු වෙලා යන ගමනේදී හමුවෙන අභියෝග, විහිළු තහළු සහ ඇතිවෙන ලස්සන බැඳීම් තමයි මුළු කතාවේම තියෙන්නේ. අපි දන්න සින්ඩරෙල්ලා, හිම කුමරිය වගේ හැමෝම මේකේ ඉන්නවා. හැබැයි ඒ අයව පෙන්නන්නේ හරිම හාස්‍යජනක විදියට. පවුලේ හැමෝටම එකට ඉඳගෙන බලන්න පුළුවන්, හිනා වෙන්න පුළුවන් වගේම ආදරය ගැන අලුත් විදියකට හිතන්න පොළඹවන ලස්සන නිර්මාණයක් තමයි මේක. ඇත්තටම කුමාරයාට තමන්ගේ සැබෑ ආදරය හමුවෙයිද? ඒක දැනගන්න ඔයාලට මේක බලන්නම වෙනවා.