ඇනිමේ (Anime) රසිකයෙක් නම් Boku no Hîrô Akademia එහෙමත් නැත්නම් My Hero Academia ගැන අමුතුවෙන් කියන්න දෙයක් නැහැනේ. හැබැයි මේ Two Heroes චිත්‍රපටය කියන්නේ සීරීස් එක බලපු නැති කෙනෙක්ට වුණත් ආසාවෙන් බලන්න පුළුවන් සුපිරි ඇනිමේ එකක්. කතාවේ ප්‍රධාන චරිතය වෙන ‘ඩෙකු’ (Midoriya) සහ ඔහුගේ ගුරුවරයා වගේම ලෝකයේ අංක එකේ වීරයා වෙන ‘ඕල් මයිට්’ (All Might) එකතු වෙලා “I-Island” කියන අතිනවීන දූපතකට යනවා.

මේ දූපතේ තියෙන්නේ ලෝකයේ තියෙන අලුත්ම තාක්ෂණයන් සහ සුපිරි වීරයන්ට අවශ්‍ය කරන උපකරණ ගැන පර්යේෂණ කරන තැනක්. ඕල් මයිට්ගේ පරණ යාළුවෙක් වෙන ඩේවිඩ්ව හම්බවෙන්න තමයි මේ ගමන යන්නේ. හැබැයි හැමදේම සාමකාමීව සිද්ධ වෙන්නේ නැහැ. හදිසියේම මේ දූපතේ තියෙන ලොකුම ආරක්ෂක පද්ධතිය දුෂ්ටයෝ පිරිසක් (Villains) විසින් අත්පත් කරගන්නවා. දූපතේ ඉන්න හැමෝම ප්‍රාණ ඇපකාරයෝ බවට පත් වෙනවා.

දැන් මේ ප්‍රශ්නය විසඳන්න ඉන්නේ ඩෙකු ඇතුළු ඔහුගේ යාළුවෝ ටික විතරයි. තාක්ෂණයෙන් සන්නද්ධ වුණු මේ දුෂ්ටයෝ එක්ක ඩෙකුයි යාළුවොයි කොහොමද සටන් කරන්නේ? ඕල් මයිට්ට මොකද වෙන්නේ? කියන එක තමයි කතාව පුරාම තියෙන්නේ. මේ චිත්‍රපටයේ තියෙන සටන් දර්ශන (Action Scenes) ඇත්තටම මරු. ඒ වගේම යාළුකම සහ එකමුතුකම ගැන ලොකු පණිවිඩයක් මේකෙන් දෙනවා. ඇනිමේ වලට ආස අයට වගේම සුපිරි වීර කතා වලට ආස අයටත් මේක මගනොහැරිය යුතු චිත්‍රපටයක්. ඒ වගේම ඩෙකුගේ අලුත් බලවේගයන් කොහොමද පාවිච්චි කරන්නේ කියලා බලන්නත් මේක හොඳ අවස්ථාවක්.