ඔබ ලස්සන දර්ශන තල සහ සටන් කලාවට (Martial Arts) කැමති කෙනෙක් නම්, චීන සිනමාපටයක් වන House of Flying Daggers ඔබේ හදවත හොරකම් කරයි. මේ කතාව සිද්ධ වෙන්නේ ටෑං රාජවංශ සමයේ චීනයේ. ඒ කාලේ රජයට විරුද්ධව “House of Flying Daggers” නමින් රහසිගත කැරලිකාර කණ්ඩායමක් ක්‍රියාත්මක වෙනවා.

පොලිස් නිලධාරීන් දෙන්නෙක් වෙන ලියෝ සහ ජින් උත්සාහ කරන්නේ මේ කණ්ඩායමේ නායකයාව අල්ලගන්න. ඔවුන්ට සැක හිතෙනවා එක නර්තන ශාලාවක ඉන්න ‘මෙයි’ කියන අන්ධ තරුණිය මේ කණ්ඩායමේ සාමාජිකාවක් කියලා. ජින් තීරණය කරනවා තමන්ගේ නියම අනන්‍යතාවය හංගලා, ඇයව බේරගන්න ආපු කෙනෙක් වගේ රඟපාන්න. ඔහු හිතන්නේ ඇය හරහා මේ කැරලිකාර නවාතැනට යන්න පුළුවන් වෙයි කියලා.

හැබැයි මෙතනදී වෙන්නේ හිතපු නැති දෙයක්. ඇත්තටම ජින් මේ තරුණියට ආදරය කරන්න පටන් ගන්නවා. නමුත් ප්‍රශ්නය තමයි, මෙයි කියන්නේ ඇත්තටම කවුද? ඇය ඇත්තටම අන්ධද? මේ හැමෝම එකිනෙකාට බොරු කරනවා. සිනමාවේ දකින ලස්සනම සටන් ජවනිකා පිරිලා තියෙන මේ කතාවේ අවසානය ඉතාම සංවේදී එකක්. කවුරු කාව පාවා දෙයිද කියලා හිතාගන්නවත් බැරි වෙයි.