ක්‍රයිම් ත්‍රිලර් (Crime Thriller) චිත්‍රපට වලට කැමති අය බ්‍රැඩ් පිට්ගේ Killing Them Softly බලලම ඇති. හැබැයි තවමත් බලලා නැත්නම්, මේක මඟ හැරගන්න එපා. කතාව පටන් ගන්නේ පාතාල ලෝකයේ ලොකු ලොකු සල්ලි කාරයෝ සෙල්ලම් කරන පෝකර් (Poker) ක්‍රීඩාවකින්. මේ ක්‍රීඩාව සිද්ධ වෙන අතරතුර, පොඩි කොල්ලෝ දෙන්නෙක් ඇවිත් මේ මුළු සල්ලි කන්දරාවම කොල්ලකනවා. මේක සාමාන්‍ය හොරකමක් නෙවෙයි, මොකද මේ සල්ලි අයිති වෙන්නේ නගරයේ ඉන්න භයානකම අපරාධ කල්ලි වලට.

මේ හොරකම නිසා මුළු නගරයේම පාතාල ආර්ථිකය කඩාගෙන වැටෙනවා. ඉතින් මේ ප්‍රශ්නය විසඳන්න සහ හොරුන්ව හොයාගන්න පාතාල ලොක්කෝ තීරණය කරනවා. ඒ වැඩේ භාර දෙන්නේ ජැකී කෝගන් (Jackie Cogan) කියන හරිම දක්ෂ, ඒ වගේම හරිම කූට මිනීමරුවෙකුට. ජැකී කියන්නේ වැඩක් දුන්නොත් ඒක අකුරටම කරන කෙනෙක්. හැබැයි ඔහුට මිනී මරද්දී එක ප්‍රතිපත්තියක් තියෙනවා. ඒ තමයි “Killing them softly” එහෙමත් නැත්නම් ගොදුරට වේදනාවක් නොදැනෙන විදියට දුර ඉඳන් මරණ එක. මේ චිත්‍රපටය පුරාවටම තියෙන්නේ ඇමරිකානු සිහිනයේ තියෙන අඳුරු පැත්ත සහ දේශපාලනය අපරාධ ලෝකය එක්ක ගැටෙන හැටි. ජැකී කොහොමද මේ හොරුන්ව දඩයම් කරන්නේ? මේක නිකන්ම වෙඩි තියාගන්න කතාවක් නෙවෙයි, හරිම ගැඹුරු සංවාද තියෙන සිනමා නිර්මාණයක්. කුතුහලය කියන්නේ ඉහළින්ම තියෙනවා.