ඔයාලා WWII, Horror සහ Mystery චිත්‍රපටවලට ආසයි නම් Burial (2022) කියන්නේ ඔයාලගේ ලිස්ට් එකේ උඩින්ම තියෙන්න ඕන එකක්. දෙවැනි ලෝක යුද්ධයේ අවසාන කාලයේ සිද්ධ වෙන ඉතාම අභිරහස් සහ භයානක සිදුවීමක් වටා තමයි මේ මුළු කතාවම ගෙතිලා තියෙන්නේ.

1945 අවුරුද්දේ බර්ලින් නගරය කඩාවැටෙද්දී, රුසියානු හමුදාවට හම්බවෙනවා ඉතාම රහසිගත සහ වටිනා පෙට්ටියක්. ඒ පෙට්ටිය ඇතුලේ තියෙන්නේ වෙන කාගෙවත් නෙවෙයි, ඇඩොල්ෆ් හිිට්ලර්ගේ මළ සිරුර. රුසියානු අණදෙන නිලධාරීන්ගේ නියෝගය වෙන්නේ මේ පෙට්ටිය මොනම බාධාවක් ආවත් ආරක්ෂිතව මොස්කව් නගරයට අරන් යන්න ඕන කියන එක. මේ භයානක සහ රහසිගත මෙහෙයුම භාරවෙන්නේ ඇනා කියන නිර්භීත රුසියානු කාන්තා සෙබළිය ප්‍රමුඛ කුඩා සෙබළුන් පිරිසකට.
මුන් රෑ තිස්සේ පෝලන්තයේ මහ ඝන වනාන්තර මැදින් මේ පෙට්ටිය අරන් යන්න පටන් ගන්නවා. හැබැයි වැඩේ කියන්නේ මේ කැලෑව ඇතුලේ ඉන්නේ සාමාන්‍ය සතුරන් නෙවෙයි. හිිට්ලර්ගේ අන්තිම නාසි සෙබළුන් පිරිසක් වෙන “Werewolves” කියන මිනීමරු කල්ලිය මේ කැලේ හැංගිලා ඉන්නවා. මුන් නිකන්ම නිකන් සෙබළු නෙවෙයි, හිතාගන්නවත් බැරි තරම් දරුණු, නොපෙනෙන බලවේග සහ අඳුරු උපක්‍රම පාවිච්චි කරන පිරිසක්.

රෑ කළුවරත් එක්ක කැලෑව ඇතුලේ මේ පෙට්ටිය බේරගන්න යන රුසියානු සෙබළුන්ට මුහුණ දෙන්න වෙන්නේ හිතාගන්නවත් බැරි භීතිකාවකට. එක පැත්තකින් නාසි සෙබළුන්ගේ දරුණු ප්‍රහාර, අනිත් පැත්තෙන් කැලෑවේ තියෙන අභිරහස් භයානකකම. මේ පෙට්ටිය ඇතුලේ තියෙන ඇත්තම රහස මොකක්ද? ඇනා ඇතුළු පිරිසට මේ භයානක රාත්‍රිය පහුකරගෙන ජීවිතය බේරගෙන මොස්කව්වලට යන්න පුළුවන් වෙයිද? බලන්නම ඕන මාරම Suspense ෆිල්ම් එකක්.