කොරියන් Thriller / Mystery චිත්‍රපට බලන්න ආස අය අතර Chimipja (Intruder) කියන්නේ පට්ටම ජනප්‍රිය වුණු ෆිල්ම් එකක්. කතාව පටන් ගන්නේ සැඕ-ජින් කියන ගෘහ නිර්මාණ ශිල්පියා වටා. එයා තමන්ගේ බිරිඳගේ අහඹු මරණය නිසා දැඩි මානසික පීඩනයකින් සහ අතීත බියකරු මතකයන්ගෙන් පෙළෙන කෙනෙක්.

මීට අවුරුදු 25කට කලින්, සැඕ-ජින්ගේ පුංචි නංගි, යූ-ජින්, සූදෝනම් නැතුවම අතුරුදහන් වෙනවා. හැබැයි එකපාරටම අවුරුදු 25කට පස්සේ මේ නංගි ආපහු පවුල හම්බෙන්න එනවා. අම්මයි තාත්තයි අවුරුදු ගාණකට පස්සේ තමන්ගේ දුවව ලැබුණු සතුටින් උඩ පනිනවා. හැබැයි සැඕ-ජින්ට එයාගේ නංගි ගැන පොඩිම හරි සැකයක් හිතෙනවා. එයාට හිතෙන්නේ මේ එන්නේ එයාගේ ඇත්තම නංගි නෙමෙයි, වෙන මොකෙක් හරි අමුතු අරමුණක් තියාගෙන ආපු කෙනෙක් කියලා.

යූ-ජින් ගෙදරට ආවට පස්සේ ගෙදර වැඩකරන අය එක පාරටම අතුරුදහන් වෙන්න ගන්නවා, ගෙදර පරිසරය අමුතුම විදිහට වෙනස් වෙනවා. සැඕ-ජින් ඇරෙන්න මුළු පවුලම යූ-ජින්ගේ කතාවලට රැවටෙනවා. සැඕ-ජින් නංගිගේ ඇත්තම තත්ත්වය හොයන්න යද්දී එයාට මුණගැහෙන්නේ හිතාගන්නවත් බැරි තරම් භයානක යථාර්ථයක්.

මේ ඇවිත් ඉන්නේ ඇත්තම නංගිද? නැත්නම් ඒ ගෙදරට රිංගපු වෙනත් ආගන්තුකයෙක්ද? කුතුහලයෙන් හුස්ම අල්ලන් බලන්න පුළුවන් සුපිරිම Thriller එකක් තමයි මේක.