“A Good Year” (2006) පටන් ගන්නේ මැක්ස් ස්කිනර් කියන චරිතයෙන්. මෙයා ලන්ඩන්වල ඉන්න, සල්ලි පස්සෙම දුවන, හරිම කපටි, වැඩකාරයෙක්. එයාට ජීවිතේ කියන්නේ දිනන්න තියෙන ගේම් එකක් විතරයි.

දවසක්, මැක්ස්ට හදිසියේම ආරංචියක් එනවා, එයා පොඩි කාලේ ගොඩක් ආදරේ කරපු, ඒත් දැන් ඈත්වෙලා ඉන්න එයාගේ මාමා (අන්කල් හෙන්රි) ප්‍රංශයේදී නැතිවෙලා කියලා. ඒ විතරක් නෙවෙයි, මාමාගේ ලස්සන මිදි වත්ත සම්පූර්ණයෙන්ම අයිතිවෙලා තියෙන්නෙත් මැක්ස්ට.

මැක්ස් ඉතින් දුවගෙන ප්‍රංශයට යන්නේ මේ වත්ත ඉක්මනටම විකුණලා දාලා, සල්ලි ටික අරගෙන ආයෙත් ලන්ඩන් එන්න හිතාගෙන. එයාට මේ ගොවිපළේ ජීවිතේ අල්ලන්නේ නෑ.
ඒත්… එහෙට ගියාම තමයි සෙල්ලම පටන් ගන්නේ.

පොඩි කාලේ මාමා එක්ක ගත කරපු සුන්දර මතකයන් ටිකෙන් ටික ආයෙත් මතක් වෙන්න ගන්නවා. ඒ අතරේ, ඒ පළාතේ ඉන්න ලස්සන කෙල්ලෙක් (ෆැනී) එක්කත් පොඩි හිතවත්කමක් ඇතිවෙනවා. මේ ඔක්කොම මදිවට, එකපාරටම ඇමරිකාවෙන් කෙල්ලෙක් මතුවෙලා කියනවා එයා තමයි මාමාගේ ඇත්තම දුව කියලා.

දැන් මැක්ස්ට තේරීමක් කරන්න වෙනවා. ආයෙත් ලන්ඩන් ගිහින් සල්ලි පස්සේ දුවනවද? නැත්නම් මේ ප්‍රංශයේ හිමින් ගලන, ආදරේ පිරුණු “හොඳ අවුරුද්දක්” තෝරගන්නවද?