හිතන්නකෝ, පියර්සන් පවුල එයාලගේ නෑදෑයෝ එක්ක ලොකු නිවාඩු නිකේතනයකට යනවා විනෝද වෙන්න. මේ පවුලේ ඉන්න ළමයි ටික—ටොම්, එයාගේ අක්කා බෙතානි, සහ එයාලගේ කසින් ජේක් (මේ ජේක්ට ඉන්නේ දැන් ‘Elvis’ චිත්‍රපටියෙන් ප්‍රසිද්ධ වුණු Austin Butler!) ඇතුළු සෙට් එක—ගෙදර උඩුමහලට (Attic) ගියාම, එතන හැංගිලා ඉන්නවා පොඩි, අමුතු පිටසක්වල ජීවීන් හතර දෙනෙක්!

මේ පොඩි එවුන් ඇවිත් තියෙන්නේ නිකන් නෙවෙයි, මුළු ලෝකෙම ආක්‍රමණය කරන්න. එයාලා ගාව තියෙනවා විශේෂ ‘මනස පාලනය කරන’ (mind control) ඩාර්ට් එකක්. මේක වැඩිහිටියෙකුට විද්දහම, ඒ කෙනාව වීඩියෝ ගේම් එකක චරිතයක් වගේ රිමෝට් එකකින් පාලනය කරන්න පුළුවන්.

හැබැයි, කතාවේ නියම කුතුහලය තියෙන්නේ මෙතන: මේ ඩාර්ට්ස් ළමයින්ට වැඩ කරන්නේ නැහැ!

ඉතින්, මුළු ලෝකෙම බේරගන්න එකේ වගකීම වැටෙන්නේ මේ ළමයි ටිකගේ අතට. එයාලගේ අම්මලා තාත්තලා මේ කිසි දෙයක් දන්නේ නැහැ. ළමයි ටික ගෙදර තියෙන බඩු (අල තුවක්කු, රතිඤ්ඤා වගේ) පාවිච්චි කරලා, ලොකු අයට හොරෙන් මේ පිටසක්වල ජීවීන් එක්ක ලොකු සටනක් පටන් ගන්නවා. එයාලට එයාලගේ ආච්චිව පවා ‘මයින්ඩ් කන්ට්‍රෝල්’ කරලා සටන් කරන්න සිද්ධ වෙනවා. මේ ළමයි ටික ලොකු අයට අහු නොවී ලෝකේ බේරගනීවිද?

මේක අධ්‍යක්ෂණය කළේ John Schultz. Ashley Tisdale (බෙතානි) සහ Carter Jenkins (ටොම්) තමයි අනිත් ප්‍රධාන ළමා චරිත කරන්නේ.