‘American Animals’ (2018) කියන්නේ ඇත්තටම වෙච්ච සිද්ධියක් පාදක කරගත්ත, පට්ටම වෙනස් විදිහේ ෆිල්ම් එකක්. මේක අධ්‍යක්ෂණය කරලා තියෙන්නේ Bart Layton. ප්‍රධාන චරිත විදිහට Evan Peters, Barry Keoghan වගේ දක්ෂ තරුණ නළු සෙට් එකක් තමයි ඉන්නේ.

හිතන්නකෝ, සාමාන්‍ය කොලේජ් ජීවිතයක් ගෙවන, “අපේ ජීවිතේ කිසිම adventure එකක් නෑනේ” කියලා හිතන කොල්ලෝ හතර දෙනෙක් ඉන්නවා (ස්පෙන්සර්, වොරන්, එරික් සහ චාස්). මුන්ට ඕන වෙනවා තමන්ගේ ජීවිතේ විශේෂ දෙයක් කරන්න.

ඔහොම ඉන්නකොට තමයි මුන්ට මාර අයිඩියා එකක් එන්නේ. ඒ තමයි, එයාලගේ යුනිවර්සිටි එකේ ලයිබ්‍රියේ තියෙන, මිලියන ගණන් වටින දුර්ලභ පොත් වගයක් හොරකම් කරන්න!
මුන් ‘Ocean’s Eleven’ වගේ හොර ෆිල්ම් බලලා, මහා ලොකුවට ප්ලෑන් ගහනවා. එයාලා හිතන්නේ මේක ලේසියෙන්ම කරලා, එක රැයකින් පොහොසත් වෙලා, ජීවිතේම වෙනස් කරගන්න පුළුවන් වෙයි කියලා.

ඒත්… ඇත්ත ජීවිතේ හොරකමක් කරන එක ෆිල්ම් එකක වගේ ලේසිද?
මේ සාමාන්‍ය කොල්ලො ටික මේ මහා මෝඩ වැඩේට ලෑස්ති වෙන විදිහ, එයාලා ඒක කරන්න ගිහින් වෙන දේවල් සහ ඒකෙන් පස්සේ එයාලගේ ජීවිතවලට වෙන දේ තමයි ෆිල්ම් එකේ තියෙන්නේ. එයාලා හිතපු විදිහට මේ ප්ලෑන් එක සාර්ථක වෙයිද? නැත්නම් ජීවිතේම නාස්ති කරගනීද?

මේකේ තියෙන විශේෂම දේ තමයි, මේ ඩ්‍රාමා එක අතරට, ඇත්තටම මේ හොරකම කරපු නියම චරිතත් ඇවිත් කතා කරනවා. ඒක නිසා මේක නිකන් ෆිල්ම් එකක් වගේ නෙවෙයි, ඊට වඩා ලොකු අත්දැකීමක් දෙනවා.