ස්ටාර් (Star) කියන්නේ අවුල් සහගත පසුබිමක් තියෙන තරුණ කෙල්ලෙක්. දවසක් එයාට පාරේදී මුණගැහෙනවා සඟරා විකුණන තරුණ කණ්ඩායමක්. ඒක හරියට නාමික ‘රැකියාවක්’ වගේ පෙනුනත්, ඇත්තටම එයාලා කරන්නේ රට වටේ යන, නිදහසේ ජීවත් වෙන ගමනක්.

ස්ටාර් එයාලා එක්ක එකතු වෙනවා. එතන ඉන්නවා ආකර්ෂණීය ජේක් (Jake) වගේම කණ්ඩායම මෙහෙයවන බලගතු ක්‍රිස්ටල් (Krystal). ඇය, මේ හැමෝම තද නීති යටතේ පාලනය කරන නායිකාව.

එතනින් එහාට චිත්‍රපටය දිගහැරෙන්නේ ස්ටාර් ගේ ඇස්වලින්. ඇමරිකාවේ ගම් දනව්, නගර අතරින් යන මේ ගමනේදී, සල්ලි හොයන අමුතු විදි, රාත්‍රී සාද, තරුණ ආදරය, නිදහස සහ අනතුර කියන දේවල්වලට එයා මුහුණ දෙනවා.

ඇත්තටම මේක නිදහස හොයන, අසම්පූර්ණ සිහින පස්සේ යන, කිසිම පාලනයක් නැති තරුණ පරම්පරාවක කතාව. ස්ටාර් තමන්ගේ අනන්‍යතාවය, ආදරය සහ ජීවිතයේ තේරුම හොයාගන්න, අත්දැකීම් ගොඩකට මුහුණ දෙන හැටි බලන්න ඔයාට පුළුවන්. එතකොට තේරෙයි ඇයි මේ චිත්‍රපටය එච්චරටම කතාබහට ලක් වුණේ කියලා!