අපි හිතන තරම් හැම පවුලක්ම ඇතුළතින් ලස්සන නැහැ කියලා පෙන්නුම් කරන සත්‍ය සිදුවීමක් තමයි මේ වාර්තාමය චිත්‍රපටයේ තියෙන්නේ. American Murder කියන්නේ අතිශය කම්පනයට පත් කරන, බලද්දී ඇඟ හිරිවැටෙන අත්දැකීමක්. 2018 වසරේදී කොලරාඩෝ ප්‍රාන්තයේ Shanann Watts සහ ඇගේ කුඩා දියණියන් දෙදෙනා හදිසියේම අතුරුදහන් වෙනවා. ඔවුන්ගේ සැමියා වන Chris Watts ඉතාමත් අසරණ විදිහට මාධ්‍ය ඉදිරියේ පෙනී ඉඳිමින් ඔවුන්ව සොයා දෙන්න කියලා ඉල්ලනවා.

හැබැයි පොලිස් පරීක්ෂණ ඉදිරියට යද්දී සහ සමාජ මාධ්‍යවල පළවුණු දේවල් පරීක්ෂා කරද්දී, මේ පවුල පිටතට පෙනුණු තරම් සාමකාමී නැහැ කියලා හෙළි වෙනවා. මේ චිත්‍රපටයේ තියෙන විශේෂත්වය තමයි කිසිම නළුවෙක් නැතිව, එදා සිද්ධ වුණු සැබෑ වීඩියෝ දර්ශන, දුරකථන පණිවිඩ සහ පොලිස් පරීක්ෂණ දර්ශන විතරක්ම යොදාගෙන මේ කතාව ගොඩනැඟීම. කෙනෙක්ගේ හිතේ තියෙන අඳුරු පැත්ත කොයි වගේද කියලා දැනගන්න මේක බලන්නම ඕනේ. අවසානයේ හෙළිවන ඇත්ත කතාව ඔබව අන්දමන්ද කරාවි.

අධ්‍යක්ෂණය: Jenny Popplewell
සහභාගීත්වය (සැබෑ පුද්ගලයන්): Shannan Watts, Chris Watts