“අන්ෆිනිෂ්ඩ් ලයිෆ් (An Unfinished Life)” කියන්නේ හිතට ගොඩක් වදින කතාවක්.
මේකේ ප්‍රධාන චරිතය තමයි, එයිනර් ගිල්කයිසන්. එයාගේ පුතා අවුරුදු ගාණකට කලින් කාර් අනතුරකින් මැරෙනවා. එදා ඉඳන් එයිනර් හරිම තනි වෙච්ච, කේන්තිකාර මනුස්සයෙක් වෙලා තමන්ගේ රැන්ච් එකේ ජීවත් වෙනවා. පුතාගේ මරණයට එයා බැනන්නේ, පුතාගේ බිරිඳට, ජීන්ට.

ඔය අතරේ එයාගේ හොඳම යාළුවා, මිච්, වලස් දෂ්ටනයකට ලක්වෙලා සෑහෙන්න දුක් විඳිනවා. එයිනර් තමයි මිච්ව බලාගන්නේ.

දවසක් හදිසියේම ජීන්, එයාගේ දුව ග්‍රිෆ්වත් එක්ක එයිනර්ගේ ගෙදරට එනවා. ජීන් ඉන්නේ එයාට ගහන පෙම්වතෙක්ගෙන් බේරිලා, මුදල් අතින් අසරණ වෙලයි.

දැන් තියෙන ප්‍රශ්නේ තමයි, එයිනර් ජීන්ට වෛර කරන්නේ. ඒත් එයාට තමන්ගේ නොදැකපු මිණිබිරියව, ග්‍රිෆ්ව, නොසලකා හරින්න පුලුවන්ද? එයිනර්, ජීන්, මිච් සහ ග්‍රිෆ් කියන මේ හතර දෙනාට එක වහලක් යට, මේ තරහකාරීකම්, වේදනා සහ අමතක කරන්න බැරි අතීතයත් එක්ක ජීවත් වෙන්න පුළුවන් වෙයිද?

ඒ විතරක් නෙවෙයි, ජීන්ගේ පිටුපසින් ආපු අර කලින් පෙම්වතා ආයෙමත් එයා හොයාගෙන ආවොත් මොනවා වෙයිද?

වැරදි වලට සමාව දීලා, අලුතින් ජීවිතයක් පටන් ගන්න මේ අයට පුළුවන් වෙයිද කියලා බලන්න අන්ෆිනිෂ්ඩ් ලයිෆ් බලන්න.