දැඩි දුකින් පෙළෙන ආදරණීය මහලු යුවළක් තම එකම මුණුපුරා වන ජැක්සව දරුණු අනතුරකින් අහිමි කරගෙන ඉන්නවා. ඩොක්ටර් කෙනෙක් වගේම සාතන් වන්දනාකරුවන් දෙදෙනෙක් වන හෙන්රි සහ ඕඩ්‍රි, මේ දුක දරාගන්න බැරුව අන්තිම තීරණයකට එනවා.

ඒ තමයි… මියගිය ජැක්සන්ගේ ආත්මය ආපසු ගෙන්වා ගැනීමට පුරාණ මායා කර්මයක් කිරීම.
මේකට එයාලා හෙන්රිගේ ගැබිනි රෝගියෙක්ව පැහැරගෙන ඇවිත් තමන්ගේ ගෙදර සිර කරනවා. එයාලගේ අදහස, ඒ කාන්තාවගේ නො ඉපදුණු දරුවාගේ ශරීරයට ජැක්සන්ගේ ආත්මය ඇතුල් කිරීම. ඒ කියන්නේ, ‘ප්‍රතිලෝම භූතවාදයක්’ (Reverse Exorcism) කරන එක.
නමුත් එයාලා පාවිච්චි කරන මායා පොතේ තියෙන දේවල් හරියටම වෙන්නේ නැහැ. එයාලා කැඳවන්නේ ජැක්සන්ව නෙවෙයි!

මේ අහිංසක මහලු යුවළ නොදැනුවත්වම නිරයේ දොරටුවක් විවෘත කරනවා. ඊට පස්සේ… එයාලගේ ගෙදර පුරාවටම භයානක විදියට විවිධ භූත ආත්ම සහ යක්ෂයෝ රිංගන්න පටන් ගන්නවා.

දැන්, මේ දෙන්නට තියෙන ලොකුම අභියෝගය තමයි: ජැක්සන්ව ආපහු ගෙන්නා ගැනීමේ උත්සාහය සාර්ථක කරගෙන, ඒ අතරේ තමන්ටයි, සිරකාරියටයි, ඒ වගේම නොඉපදුණු දරුවාටයි මේ ගෙදරට ඇතුල් වෙලා ඉන්න බිහිසුණු බලවේගවලින් හානියක් වෙන්න නොදී බේරෙන එක.

එයාලගේ සැලැස්ම සාර්ථක වෙයිද? නැත්නම් මේ සියල්ල එයාලගේ අවසානය වෙයිද? චිත්‍රපටය බැලුවොත් දැනගන්න පුළුවන්.