“Barely Lethal” (2015) කියන්නේ නිකන් ‘Spy’ ෆිල්ම් එකකුයි, ‘High School Comedy’ එකකුයි මික්ස් කරපු මරු කතාවක්.

මේක අධ්‍යක්ෂණය කළේ Kyle Newman. ප්‍රධාන චරිතෙ (ඒජන්ට් 83) කරන්නේ Hailee Steinfeld. ඒ වගේම Samuel L. Jackson (එයාගේ ට්‍රේනර් විදිහට), Jessica Alba (විලන් විදිහට) වගේම Sophie Turner (Game of Thrones වල Sansa) එහෙමත් මේකේ ඉන්නවා.

හිතන්නකෝ, පොඩි කාලේ ඉඳන්ම රජයේ රහස් ඔත්තු සේවයක, මාරම දක්ෂ ඝාතකයෙක් (assassin) විදිහට පුහුණු වුණු කෙල්ලෙක් ඉන්නවා. එයා තමයි ඒජන්ට් 83 (Megan). එයාට මේ ස්පයි ජීවිතේ හොඳටම එපා වෙලා. එයාට ඕනේ අනිත් සාමාන්‍ය ළමයි වගේ ඉස්කෝලේ යන්න, යාළුවෝ එක්ක ‘chill’ කරන්න, ‘normal’ ජීවිතයක් ගත කරන්න.

ඉතින්, දවසක් මෙයා ලොකු මිෂන් එකකදී, හිතාමතාම “මැරුණා” වගේ ඇක්ට් කරලා, ඒජන්සියෙන් පැනලා යනවා.

පැනලා ගිහින්, එයා ‘Megan Walsh’ කියලා අලුත් නමකින්, කැනඩාවෙන් ආපු ළමයෙක් වගේ, සාමාන්‍ය ඉස්කෝලෙකට ඇතුල් වෙනවා. එයා හිතන්නේ ඉස්කෝලේ ජීවිතේ කියන්නේ මාරම ලේසි දෙයක්, ස්පයි වැඩ වලට වඩා කියලා.

හැබැයි ඉතින්, ස්පයි වැඩ වලට වඩා ඉස්කෝලේ ‘drama’ (ආදරේ, යාළුවෝ, තරහකාරයෝ) දේවල් manage කරන එක අමාරුයි කියලා එයාට තේරෙන්න ගන්නවා.

ඔහොම ඉන්නකොට, ප්‍රශ්නේ කියන්නේ, එයාගේ පරණ ජීවිතේ (ඒජන්සියයි, පරණ හතුරෙකුයි) එයාව හොයාගෙන එනවා. එතකොට තමයි නියම සෙල්ලම පටන් ගන්නේ. එයාට එයාගේ අලුත් ‘normal’ ජීවිතේ බේරගන්න පුළුවන් වෙයිද?