Poison Ivy යි, Floronic Man (මේ කියන්නෙත් නිකම්ම ගහක් වගේ පේන පොරක්) කියන දෙන්නා එකතු වෙලා පට්ට භයානක වැඩකට සෙට් වෙනවා. ඒ දෙන්නගෙ ප්ලෑන් එක තමයි, ලෝකේ ඉන්න මිනිස්සු ඔක්කොම… ඔව්, ඔක්කොම… ගස් කොළන් බවට පත් කරන වෛරස් එකක් හදන්න. එයාලා හිතන්නෙ එතකොට ලෝකෙ ගස් වලට බේරෙයි කියලා.

ඉතින්, බැට්මෑන් සහ නයිට්වින්ග් මේක නවත්තන්න ට්‍රයි කරනවා. හැබැයි එයාලට පොඩි අවුලක්. Poison Ivy හැංගිලා ඉන්න තැනක් හොයාගන්න බෑ.

එයාව හොඳටම දන්න, එයා ඉන්න තැනක් ගැන අයිඩියා එකක් තියෙන එකම කෙනා කවුද? වෙන කවුරුත් නෙවෙයි, එයාගෙ හොඳම යාලුවා… හාර්ලි ක්වින්!

හැබැයි හාර්ලි දැන් ඉස්සර වගේ නෙවෙයි. පිස්සු නටන එක නවත්තලා, රෙස්ටුරන්ට් එකක වේටර් කෙනෙක් විදියට පාඩුවේ ජොබ් එකක් කරගෙන ‘හොඳ ළමයෙක්’ වෙන්න ට්‍රයි කරනවා.
දැන් බැට්මෑන්ටයි නයිට්වින්ග්ටයි සිද්ධ වෙනවා හාර්ලිව හොයාගෙන ගිහින්, ලෝකෙ බේරගන්න උදව් ඉල්ලන්න. මේ අමුතු සෙට් එකට එකට වැඩ කරලා, අයිවිගෙ විනාශකාරී ප්ලෑන් එක නවත්තන්න පුළුවන් වෙයිද? නැත්නම් ලෝකෙම ලොකු මල් වත්තක් වෙයිද? ඒක තමයි බලන්න තියෙන්නෙ.