“Before We Go” (2014) කියන්නේ ඇත්තටම හරිම සරල, ඒත් හිතට දැනෙන ලස්සන කතාවක්.

මේකේ තියෙන විශේෂම දේ තමයි, මේ චිත්‍රපටය අධ්‍යක්ෂණය කරන්නේ, ඒ වගේම ප්‍රධාන නළුවා විදිහට රඟපාන්නේ අපි හැමෝම දන්න ‘කැප්ටන් ඇමරිකා’ එහෙම නැත්නම් Chris Evans (ක්‍රිස් එවන්ස්). එයාගේ චරිතය තමයි ‘නික්’. එයා එක්ක අනිත් ප්‍රධාන චරිතය, ‘බ්‍රූක්’ විදිහට රඟපාන්නේ දක්ෂ නිළි Alice Eve (ඇලිස් ඊව්).

හිතන්න, ඔයා නිව් යෝර්ක් වගේ ලොකු නගරයක, මහ රෑ තනියම ට්‍රේන් ස්ටේෂන් එකක ඉන්නවා. ගෙදර යන්න තිබුණු අන්තිම ට්‍රේන් එකත් ඔයාට යන්තම් මිස් වුණා. ඒ මදිවට, ඔයාගේ පර්ස් එක හොරකම් කරලා, අතේ සතයක්වත් නෑ, ෆෝන් එකත් බිඳිලා. බ්‍රූක් ඉන්නේ අන්න එහෙම අසරණ වෙලාවක.

මෙතනදී තමයි එයාට ‘නික්’ව හම්බවෙන්නේ. නික් කියන්නේ ඒ ස්ටේෂන් එකේ ට්‍රම්පට් වාදනය කරන, එයාගෙත් වෙනම ප්‍රශ්න ගොඩක ඉන්න කෙනෙක්. බ්‍රූක්ගේ අසරණකම දැකලා එයා උදව් කරන්න ඉදිරිපත් වෙනවා.

ඉතින්, කවදාවත් එකිනෙකා දැකලා නැති මේ ආගන්තුකයෝ දෙන්නා, එදා රෑ එළිවෙනකල් නිව් යෝර්ක් නගරයේ එකට කාලය ගත කරනවා. එයාලට ගෙදර යන්න විදිහක් හොයන ගමන්, එයාලා එයාලගේ ජීවිතවල හිරවෙලා ඉන්න ලොකුම ප්‍රශ්න ගැන කතා කරනවා.

මේ එක රැයක හමුවීම එයාලගේ ජීවිත වෙනස් කරයිද? මේ දෙන්නා අතරේ ඇතිවෙන සම්බන්ධය මොකක්ද? ඒක දැනගන්න නම් ඔයාට මේ චිත්‍රපටිය බලන්නම වෙනවා.