කතාව මෙහෙමයි පටන් ගන්නේ. නිස්කලංක තදාසන්න පාරක තියෙන ගෙදරකදී, ක්‍රිස්මස් ඊව් දවසේදී, අවුරුදු දොළහක ලූක්ව බලාගන්න එනවා ඇෂ්ලි කියන බේබිසිටර් කෙල්ල.

ලූක්ට ඇෂ්ලි ගැන පොඩි කැමැත්තක් තියෙනවා, එයා ඒක කියන්නත් හදනවා. හැබැයි රෑ වෙද්දී මේ ගෙදරට අනවසරයෙන් කවුරුහරි ඇතුල් වෙනවා වගේ සලකුණු පේන්න ගන්නවා. පිටතින් එන නාඳුනන තර්ජනයක් නිසා ඇෂ්ලි, ලූක්ව ආරක්ෂා කරන්න හදනවා.

මුලින්ම හිතෙන්නේ මේක සාමාන්‍ය ගෙදරට කඩාවැදීමක් කියලා. ඒත් ටිකෙන් ටික තමයි ඇත්ත එළියට එන්නේ.

මේ “ආක්‍රමණය” පිටිපස්සේ ඉන්නේ කවුද, ඒ අයගේ ඇත්ත අරමුණ මොකක්ද කියලා ඇෂ්ලිට තේරෙද්දී… කතාව සම්පූර්ණයෙන්ම වෙනස් අතකට පෙරළෙනවා.
තත්වය භයානක විදිහට සංකීර්ණ වෙනවා. ඇත්තටම, කාගෙන්ද පරිස්සම් වෙන්න ඕනේ කියලා හොයාගන්න ඇෂ්ලිට සිද්ධ වෙනවා.

දැන් ඒ ත්‍රාසජනක රාත්‍රිය ගෙවෙන්නේ කොහොමද? අවසානයේදී කවුද මේ භයානක උගුලෙන් බේරෙන්නේ? ඒක බලලම දැනගන්න.