මේ කතාවේ ප්‍රධාන චරිතේ තමයි ජේසන් ෂෙපර්ඩ් කියන කොල්ලා. මෙයා ඉතින් පොඩි පොඩි බොරු කියන්න හරිම දක්ෂයෙක්. මේ නිසාම කාටවත් මෙයා කියන දේවල් අදහාගන්නත් බැහැ.
එක දවසක්, ජේසන්ගේ ඉංග්‍රීසි රචනාව – “Big Fat Liar” කියන නමින්ම – අහම්බෙන් හොලිවුඩයේ නපුරු, උඩඟු නිෂ්පාදක මාර්ටි වුල්ෆ්ගේ අතට පත් වෙනවා.

දැන් මොකද වෙන්නේ? මාර්ටි මේ කතාව හොරකම් කරලා, ඒක තමන්ගේ ඊළඟ සුපිරි චිත්‍රපටිය විදිහට හදන්න පටන් ගන්නවා!

තමන්ගේ රචනාව නැති වුණා කියලා කාටවත් විශ්වාස කරවන්න බැරි වුණාම, ජේසන් තීරණය කරනවා යාළුවෙක් එක්ක කෙලින්ම ලොස් ඇන්ජලීස් වලට යන්න.
එතනදි මෙයාට මාර්ටිට මුහුණ දෙන්න වෙනවා. ජේසන් උත්සාහ කරන්නේ මාර්ටිව අල්ලලා, ඇත්ත එළි කරන්න. ඒත් මාර්ටිව වට්ටන්න ලේසි නැහැ.

ඔන්න ඔතනින් තමයි නියම සෙල්ලම පටන් ගන්නේ. ජේසන් සහ යාළුවා එකතු වෙලා මාර්ටිගේ ජීවිතය අපායක් කරන්න පුදුම විදියේ විහිළු සහ උපක්‍රම පාවිච්චි කරනවා.
ජේසන්ගේ බොරුකාර ප්‍රතිරූපය නිසා එයාව විශ්වාස නොකරන ලෝකෙට තමන්ගේ කතාව ආපහු ගන්නත්, බොරුකාර නිෂ්පාදකයාට පාඩමක් උගන්වන්නත් ජේසන්ට පුළුවන් වෙයිද? බලන්නම ඕන!