ඔන්න අද ගෙනාවේ Bobby Z (2007) කියන පට්ට Action, Crime ෆිල්ම් එකේ විස්තරේ. මේකේ ප්‍රධාන චරිතේ කරන්නේ අපි කවුරුත් ආස Paul Walker (Fast & Furious මතකනේ?). ඒ වගේම Matrix එකේ ඉන්න Laurence Fishburne සහ Olivia Wilde ත් මේකේ ඉන්නවා. ෆිල්ම් එක අධ්‍යක්ෂණය කරලා තියෙන්නේ John Herzfeld.

දැන් කතාව ගැන බැලුවොත්, ටිම් කර්නි (Paul Walker) කියන්නේ හිරේ ඉන්න හිටපු මැරින් සොල්දාදුවෙක්. මෙයාට හිරේ ඇතුලෙදි ලොකු කේස් එකක් වෙලා ජීවිත තර්ජනයක් එනවා. ඔන්න ඔය වෙලාවේ පොලිසියේ ඒජන්ට් කෙනෙක් (Fishburne) මෙයාට මරු ඔෆර් එකක් ගේනවා. ඒ තමයි “බොබී සී” (Bobby Z) කියලා මත්ද්‍රව්‍ය ජාවාරම්කාරයෙක් වගේ රඟපාන්න ඕන කියන එක. මොකද අර බොබී කියන එකා මැරිලා, ඒ වගේම ටිම්ගේ මූණ බොබීගේ මූණට ගොඩක් සමානයි.

මේ බොබී සී කියන එක්කෙනා තායිලන්තේ මත්ද්‍රව්‍ය රජෙක්ට හුවමාරු කරන්නයි ප්ලෑන් එක. ඉතින් ටිම්ට සිද්ධ වෙනවා බොබී විදිහට පුහුණු වෙලා මේ ගනුදෙනුවට යන්න. හැබැයි වැඩේ කියන්නේ, මේ හුවමාරුව අස්සේ ලොකු අවුලක් ගිහින් ටිම්ට පැනල යන්න සිද්ධ වෙනවා.

දැන් ටිම් ඉන්නේ ලොකු අමාරුවක. මොකද එයා ඇත්තටම බොබී නෙවෙයිනේ. හැබැයි එයාට බොබීගේ පරණ ගෑනු ළමයයි (Olivia Wilde), එයාගේ ළමයයි එක්ක එකතු වෙලා දුවන්න වෙනවා. හැමෝම හිතන් ඉන්නේ මූ තමයි මහා කෙරුම බොබී සී කියලා. ඉතින් ටිම් කොහොමද මේ බොරුව දිගටම කරගෙන ගිහින් ජීවිතේ බේරගන්නේ? බොබීගේ ඇත්ත සල්ලිවලට මොකද වෙන්නේ? කුතුහලය තියාගෙනම ෆිල්ම් එක බලන්නකෝ. Paul Walker ගේ පිස්සු හැදෙන වැඩ කෑලි ටිකක් බලාගන්න පුළුවන්!