මේ ෆිල්ම් එක ගෙතිලා තියෙන්නේ ටෙනිස් ලෝකෙ ජනප්‍රියම සැබෑ සිදුවීමක් වටා. මේක හරිම අපූරු තරඟයක් ගැන කියවෙන කතාවක්.

කතාව කෙටියෙන්: කතාවේ ප්‍රධාන චරිත දෙකක් ඉන්නවා. එක්කෙනෙක් ස්වීඩනයේ Björn Borg (බියෝන් බෝර්ග්). එයා හරියට අයිස් කුට්ටියක් වගේ. හැඟීම් පෙන්නන්නේ නෑ, හරිම නිවුණු චරිතයක්. එයා උත්සාහ කරන්නේ තමන්ගේ 5 වෙනි විම්බල්ඩන් කුසලානය දිනාගන්න.
අනිත් පැත්තේ ඉන්නේ ඇමරිකාවේ John McEnroe (ජෝන් මැකෙන්රෝ). එයා හරියට පුපුරන්න ඔන්න මෙන්න තියෙන ගිනි කන්දක් වගේ. කේන්ති ගන්නවා, කෑගහනවා, විනිසුරුවන්ට බනිනවා. එයා තමයි අලුතෙන් එන තරුණ තරුව.

මේ ෆිල්ම් එකෙන් පෙන්නන්නේ 1980 විම්බල්ඩන් අවසන් මහා තරඟයට මේ දෙන්නා ලෑස්ති වෙන හැටි. පිටින් බලද්දි දෙන්නා හාත්පසින්ම වෙනස් වුණාට, ඒ දෙන්නගේ හිත ඇතුළේ තියෙන පීඩනය, බය සහ දිනන්න තියෙන පිපාසය හරිම සමානයි. මේ දෙන්නා මුහුණට මුහුණ හම්බුණාම මොකද වෙන්නේ? කවුද මේ මහා සටන දිනන්නේ? අන්න ඒක තමයි ෆිල්ම් එකේ තියෙන ලොකුම කුතුහලය!

Björn Borg ලෙස රඟපාන්නේ Sverrir Gudnason. එයා බෝර්ග්ගේ ඒ නිශ්ශබ්ද චරිතය නියමෙටම කරනවා.
John McEnroe විදියට Shia LaBeouf රඟපානවා. එයාගේ ඒ ආවේගශීලී රඟපෑම හරිම තාත්විකයි.
Stellan Skarsgård බෝර්ග්ගේ පුහුණුකරු විදියට ඉන්නවා.
මේ චිත්‍රපටය අධ්‍යක්ෂණය කළේ Janus Metz විසින්.
ටෙනිස් ගැන ලොකු දැනුමක් නැති වුණත්, මේකෙ තියෙන “Psychological thriller” ගතිය නිසා ඇහැක්වත් නොපියා බලන්න පුළුවන් ෆිල්ම් එකක්.