බුල්බුල් (Bulbbul)
නළු නිළියන් සහ අධ්‍යක්ෂණය: මේක අධ්‍යක්ෂණය කරන්නේ අන්වීතා දත් (Anvita Dutt). ප්‍රධාන චරිතයට ඉන්නේ අපි කවුරුත් ආස කරන ත්‍රිප්ති දිම්රි (Tripti Dimri). එයාගේ රඟපෑම නම් කියලා වැඩක් නෑ, සුපිරි. ඒ වගේම අවිනාෂ් තිවාරි සහ රාහුල් බෝස් වගේ දක්ෂ නළු නිළියන් සෙට් එකක්ම මේකේ ඉන්නවා.

කතාව පටන් ගන්නේ 1881 වගේ ගොඩක් පරණ කාලෙක බෙංගාලයේ. බුල්බුල් කියන්නේ හරිම අහිංසක පුංචි කෙල්ලෙක්. ඉතින් එදා තිබුණු සම්ප්‍රදාය නිසා මේ පුංචි කෙල්ලව වයසක පිරිමියෙක්ට (තකුර් කෙනෙක්ට) කසාද බැඳලා දෙනවා. හැබැයි බුල්බුල්ගේ හිත යන්නේ එයාගේ මහත්තයාට නෙවෙයි, එයාගේ මහත්තයාගේ පොඩි මල්ලි ‘සත්‍යා’ ට. මොකද දෙන්නම එකම වයසේ වගේ නිසා.

කාලයත් එක්ක සත්‍යා ඉගෙන ගන්න ලන්ඩන් යනවා. අවුරුදු 20කට පස්සේ සත්‍යා ආපහු ගමට එනකොට දකින්නේ එයා දාලා ගිය අහිංසක බුල්බුල්ව නෙවෙයි. දැන් බුල්බුල් කියන්නේ හරිම ගුප්ත, ඒ වගේම මුළු වලව්වම පාලනය කරන හරිම බලසම්පන්න ගැහැණියක්.

මේ අතරේ ගමේ අමුතු මිනීමැරුම් වගයක් වෙනවා. පිරිමි අය විතරක් අභිරහස් විදියට මැරෙනවා. ගම්මු කියන්නේ මේක ගස් උඩ ඉන්න “චුඩේල්” (Chudail) එහෙම නැත්නම් යක්ෂණියක් කරන වැඩක් කියලා.

ඇත්තටම ගමේ ඉන්නේ යක්ෂණියක්ද? සත්‍යා ගියාට පස්සේ බුල්බුල්ගේ ජීවිතේට මොකද වුණේ? එයා මෙච්චර වෙනස් වුණේ ඇයි? අන්තිමට මේ මිනීමැරුම් පස්සේ ඉන්නේ කවුද කියලා දැනගත්තම නම් ඔයාලා පුදුම වෙයි. ලස්සනම විෂුවල්ස් තියෙන, බය හිතෙන වගේම හිතට යමක් දැනෙන ලස්සන කතාවක් මේක. අනිවාර්යයෙන්ම බලන්න.