ජීවිතය සහ මරණය අතර සටනක් බලන්න කැමති අයට Butcher’s Crossing කියන්නේ කදිම තේරීමක්. මේ කතාවේ ප්‍රධාන චරිතය වෙන්නේ විල් ඇන්ඩෲස්. ඔහු හාවඩ් විශ්වවිද්‍යාලයේ ඉගෙනුම අතහැරලා ජීවිතය ගැන අලුත් අත්දැකීමක් හොයාගෙන බටහිර දෙසට සංක්‍රමණය වෙනවා. එහෙදී ඔහුට මුණගැහෙනවා මිලර් කියන පළපුරුදු දඩයක්කාරයාව.

මිලර් කියන්නේ රහසිගත නිම්නයක් ගැන දන්න කෙනෙක්. ඒ නිම්නයේ දහස් ගණනක් මී හරකුන් ඉන්නවා කියලා ඔහු පවසනවා. මේ මී හරකුන් දඩයම් කරලා විශාල ලාභයක් ලබන්න පුළුවන් කියලා ඔහු විල්ව පොළඹවා ගන්නවා. ඉතින් ඔවුන් කණ්ඩායමක් විදිහට මේ දුෂ්කර ගමන ආරම්භ කරනවා.

හැබැයි මේ ගමන ඔවුන් හිතන තරම් ලේසි වෙන්නේ නැහැ. සොබාදහමේ රුදුරු බව, දැඩි ශීතල සහ කෑම බීම හිඟකම නිසා ඔවුන්ගේ මානසිකත්වය පවා වෙනස් වෙන්න ගන්නවා. තණ්හාව නිසා මනුස්සයෙක් කොයි තරම් දුරට දරුණු වෙන්න පුළුවන්ද කියන එක මේ චිත්‍රපටයෙන් මනාව පෙන්වනවා. නිකලස් කේජ්ගේ විශිෂ්ට රංගනය මෙහි විශේෂත්වයක්. අවසානයේ ඔවුන්ට ඉතිරි වෙන්නේ මොනවාද කියලා දැනගන්න නම් මේ චිත්‍රපටය අනිවාර්යයෙන්ම බලන්න.

Cast: Nicolas Cage, Fred Hechinger, Jeremy Bobb, Paul Raci
Director: Gabe Polsky