මේකේ ප්‍රධාන චරිතය තමයි ක්‍රිස් (එඩී මර්ෆි). ඔහුට ඕන වෙනවා කොහොම හරි මේ වසරේ තමන්ගේ නේවාසික ප්‍රදේශයේ පවත්වන වාර්ෂික නත්තල් සැරසිලි තරගය දිනන්න. එයා හරිම උනන්දුවෙන් ඉන්නේ මේ ජයග්‍රහණය වෙනුවෙන්.

නමුත් මේ ජයග්‍රහණය කොහොම හරි ලබා ගන්න තියෙන අධිෂ්ඨානය නිසා ඔහු කරන වැඩක් තමයි මේකේ කතාව වෙනස් කරන්නේ.

දවසක් ඔහු පෙපර් නම් වෙන චණ්ඩියෙක් වගේ එල්ෆ් කෙනෙක් එක්ක ගිවිසුමක් අත්සන් කරනවා. මේ එල්ෆ් එයාට ජයග්‍රහණය කරන්න උදව් කරන බවට පොරොන්දු වෙනවා.
දැන් මෙතනින් තමයි වැඩේ අවුල් වෙන්නේ. මේ එල්ෆ් දාන මැජික් එක නිසා “12 Days of Christmas” කියන ප්‍රසිද්ධ ගීතයේ තියෙන සත්වයන් සහ වස්තූන් ඇත්තටම ජීවය ලබලා නගරේ පුරාම දාන්නේ ලොකු විනාශයක්.

දැන් ක්‍රිස් සහ එයාගේ පවුලේ අයට සිද්ධ වෙනවා නත්තල විනාශ වෙන්න කලින් මේ එල්ෆ් දාපු මන්තරේ කඩන්න. ඒක ලේසි වෙන්නේ නැහැ, මොකද එයාලට මේ මැජික් චරිත එක්ක සටන් කරන්න වෙනවා.

ක්‍රිස් මේ දේ කරන්න යන්නේ එයාගේ පවුලත් එක්ක. එයාලට පුළුවන් වෙයිද නත්තල බේරගන්න? මේ ගිවිසුම පිටිපස්සේ තියෙන ඇත්ත කතාව මොකක්ද? බලන්නකො මේ නත්තල් වික්‍රමය!