Cardboard Boxer (2016) Sinhala Subtitle | සිංහල උපසිරැසි
අපි හැමෝම පාරේ යනකොට හිඟාකන, නැත්නම් පාර අයිනේ නිදාගන්න මිනිස්සුන්ව දකිනවා. හැබැයි කවුරුත් හිතන්නේ නැහැ ඒ මිනිස්සුන්ගේ හදවත් වල තියෙන වේදනාව ගැන. Cardboard Boxer කියන්නේ අන්න ඒ වගේ අතහැර දමපු මනුස්සයෙක්ගේ කතාවක්. විලී කියන්නේ ලොස් ඇන්ජලීස් නගරයේ පාර අයිනේ කාඩ්බෝඩ් පෙට්ටියක් අස්සේ ජීවත් වෙන අසරණ මනුස්සයෙක්. එයාට ඉන්න කෙනෙක් නැහැ, කන්න විදිහක් නැහැ.
ඔය අතරේ තමයි නගරයේ ඉන්න සල්ලිකාර තරුණයෝ කට්ටියක් මේ හිඟන මිනිස්සුන්ව තමන්ගේ විනෝදාංශයට පාවිච්චි කරන්න පටන් ගන්නේ. උන් කරන්නේ මේ අසරණ මිනිස්සුන්ට පොඩි සල්ලි ප්රමාණයක් දීලා, උන්ව එකිනෙකා එක්ක රණ්ඩුවට පටලවන එක. “හිඟන්නන්ගේ බොක්සිං” කියලා තමයි මුන් මේක හඳුන්වන්නේ. විලීටත් මේ දේ කරන්න සිද්ධ වෙනවා ජීවත් වෙන්න සල්ලි ඕන නිසා. හැබැයි මේ ගුටි කෙළිය අස්සේ විලීට එක දවසක අමුතු දෙයක් හම්බ වෙනවා. ඒ තමයි පුංචි ගැහැණු ළමයෙක් ලියපු දිනපොතක්.
මේ දිනපොත කියවන්න පටන් ගත්තට පස්සේ විලීගේ මුළු ලෝකයම වෙනස් වෙන්න පටන් ගන්නවා. තමන් කවුද, තමන්ගේ වටිනාකම මොකක්ද කියලා එයාට හිතෙන්න ගන්නවා. ඒත් පාරේ ජීවිතය කියන්නේ හරිම රළු තැනක්. හැම පැත්තකින්ම එන බාධක මැද්දේ විලීට පුළුවන් වෙයිද තමන්ගේ මනුස්සකම රැකගන්න? සල්ලි වලට මිනිස්සුන්ව මරාගන්න පටලවන මේ සල්ලිකාරයන්ගෙන් විලීට බේරෙන්න පුළුවන් වෙයිද? මේ චිත්රපටිය බලද්දී ඔයාගේ ඇසට කඳුළක් එන එක නම් නවත්තන්න බැරි වෙයි. මේක නිකම්ම බොක්සිං චිත්රපටියක් නෙවෙයි, මනුස්සකම හොයාගෙන යන ලොකු ගමනක්